દુમાડ ગામ પાસે ગાયના કારણે બાઇકસવાર પટકાયો

શહેરમાં રખડતા ઢોરનો ત્રાસ ફરીથી વધી ગયો છે. ત્રણ દિવસમાં બે બાઇકસવાર રોડ પર પટકાતા ઇજાગ્રસ્ત થયા છે. તેઓને હોસ્પિટલમાં સારવાર લેવી પડી હતી.
મળતી માહિતી મુજબ,આજવારોડ હરેકૃષ્ણ ટાઉનશિપમાં રહેતા અરૃણ ગૌતમભાઇ કિકોડ (ઉં.વ.૨૬) ગઇકાલે રાત્રે બાઇક લઇને દુમાડ ગામ પાસેથી જતો હતો. તે દરમિયાન રસ્તા વચ્ચે ગાય આવી જતા અરૃણ રોડ પર પટકાતા ઇજા થઇ હતી. તેને સારવાર માટે સયાજી હોસ્પિટલમાં દાખલ કરવામાં આવ્યો છે. ઉલ્લેખનીય છે કે, મકરપુરા જી.આઇ.ડી.સી. પાસે આર.કે. કોટિંગમાં રહેતો અજય રમેશભાઇ પુવાર બે દિવસ અગાઉ મોડીરાત્રે સાડા અગિયાર વાગ્યે બાઇક લઇને માંજલપુર જ્યુપિટર ચોકડી પાસેથી જતો હતો. તે દરમિયાન રસ્તા વચ્ચે ગાય આવી જતા તેને ઇજા થઇ હતી.