ખાટલા પર બેસીને નાસ્તો કરવા જેવી બાબતે તકરાર થતાં ચપ્પુના ઘા ઝીંકી હત્યાનો પ્રયાસ

ગોરવા વિસ્તારમાં નજીવી બાબતે એક યુવક સાથે તકરાર કરી હત્યાનો પ્રયાસ કરનાર હુમલાખોર સામે ગોરવા પોલીસે ગુનો નોંધ્યો છે.
દાહોદના વતની રણજીત પારગીએ પોલીસને કહ્યું છે કે,હાલમાં હું તાંદળજા પત્રકાર કોલોની ચાર રસ્તા વિસ્તારમાં નવી બંધાતી સાઇટ ખાતે રહું છું.મારા મોટાભાઇ મહેશ ઉર્ફે અલ્કેશ પારગી અને મુકેશ ઉર્ફે મુખી ચીમનભાઇ દંતાણી(સમતા ગ્રાઉન્ડ પાસે, સુભાનપુરા) વચ્ચે ગઇસાંજે ખાટલા પર બેસી નાસ્તો કરવા બાબતે બોલાચાલી થઇ હતી.
ત્યારબાદ ઉશ્કેરાયેલા મુકેશે મારા ભાઇને ગાળો ભાંડી પેટમાં ચપ્પુના ઘા ઝીંક્યા હતા.હુમલાખોર ફરાર થઇ જતાં મારા ભાઇને સારવાર માટે દાખલ કરવામાં આવ્યો છે.એસસીએસટી સેલના એસીપીએ આ બનાવની તપાસ હાથ ધરી છે.