અમદાવાદની પ્રથા પવારે ડબલ ટાઈટલ જીત્યા

અમદાવાદની ટોચની ક્રમાંકિત પ્રથા પવારે ટેબલ ટેનિસ ટૂર્નામેન્ટમાં મહિલા સિંગલ્સનું ટાઇટલ જીતીને શાનદાર પ્રદર્શન કર્યું છે, જ્યારે સુરતની ૧૦મી ક્રમાંકિત વિન્સી તન્નાએ અંડર-૧૫ ગર્લ્સની ફાઇનલમાં મોટો અપસેટ સર્જ્યો છે.

અત્રે યોજાયેલી ચોથી સ્ટેટ ટેબલ ટેનિસ ટૂર્નામેન્ટમાં ૧૭ વર્ષની પ્રથા પવારે મહિલા સિંગલ્સની ફાઇનલમાં સુરતની દ્વિતીય ક્રમાંકિત આફ્રિન મુરાદને એકતરફી મુકાબલામાં ૪-૦થી હરાવી છે. આ જીત સાથે પ્રથાએ ડબલ ટાઇટલ હાંસલ કર્યું છે. અગાઉ, પ્રથાએ જુનિયર ગર્લ્સ અંડર-૧૯નું ટાઇટલ પણ પોતાના નામે કર્યું હતું.

સુરતની ૧૦મી ક્રમાંકિત ૧૩ વર્ષની વિન્સી તન્નાએ સબ-જુનિયર અંડર-૧૫ ગર્લ્સની રોમાંચક ફાઇનલમાં સુરતની જ ટોચની સીડ ડાનિયા ગોડિલને ૩-૨થી હરાવી મોટો અપસેટ સર્જ્યો છે, જ્યારે ડાનિયાએ અંડર-૧૭ ગર્લ્સની ફાઇનલમાંટોચની સીડ અને ભાવનગરની ચાર્મી ત્રિવેદીને ૩-૨થી હરાવી છે.

કચ્છના પાંચમા ક્રમાંકિત ધુ્રવ ભંભાણીએ  અમદાવાદના છઠ્ઠા ક્રમાંકિત અંશ ખમારને ૩-૧થી હરાવી સબ-જુનિયર બોયઝ અંડર-૧૫નું ટાઇટલ જીત્યું છે.

ગર્લ્સ અંડર-૧૩માં સુરતના ખેલાડીઓએ સફળતા મેળવી હતી. બોયઝ અંડર-૧૩માં સુરતના ત્રીજા ક્રમાંકિત દક્ષ જેઠવાએ કચ્છના ચોથા ક્રમાંકિત ધુ્રવને ૩-૦થી હરાવ્યો છે. હોપ્સ કેટેગરીમાં ટોચની સીડ ખેલાડીઓએ ખિતાબ પર કબજો જમાવ્યો હતો.

આ સાથ ટેબલ ટેનિસ ટૂર્નામેન્ટનું સમાપન થયું છે.