બાકી નીકળતા રૃપિયા લેવા બોલાવી બે ભાઇઓ પર ખૂની હુમલાના બનાવનો આરોપી પકડાયો

ગોરવામાં રૃપિયા લેવા માટે બોલાવ્યા બાદ બે ભાઇઓ પર ખૂની હુમલો કરવાના બનાવમાં પાંચ મહિનાથી ફરાર એક હુમલાખોરને પોલીસે ઝડપી પાડયો છે.
ગોરવા પોલીસ સ્ટેશનમાં નોંધાયેલા બનાવની વિગત એવી છે કે,બાકી નીકળતા રૃપિયા લેવા માટે આવેલા બે ભાઇઓ પર સમીર,તેના સાળા ઓરંગઝેબ,અજ્જુ અને રઇશ નામના દંડા,લોખંડની પાઇપ જેવા સાધનોથી હુમલો કર્યો હતો.
જે બનાવમાં ફરાર મહંમદકૈફ ઉર્ફે અજ્જુ દિલશાદહુસેન શેખ(પાર્ક હેવન,લાભ રેસિડેન્સી પાસે,ગોરવા)ને પણ પોલીસ શોધતી હતી.આરોપી છાણી કેનાલ પાસે હોવાની વિગતો મળતાં ક્રાઇમ બ્રાન્ચે તેને ઝડપી પાડી ગોરવા પોલીસને સોંપવા તજવીજ કરી હતી.