હાઇવે પર રોડ ક્રોસ કરતા યુવકનું વાહનની અડફેટે મોત

શુક્રવારે મોડીરાત્રે નેશનલ હાઇવે પર રોડ ક્રોસ કરતા યુવકને વાહન ચાલકે અડફેટે લેતા તેનું સ્થળ પર જ કરૃણ મોત થયું હતું.
યુ.પી.ના ફરૃખાબાદ જિલ્લાના ગ્રામ જૈતપુર થાનામાં રહેતો પ્રવેન્દ્રસિંહ દેવપાલસિંહ (ઉં.વ.૩૧) છેલ્લા ૧૦ વર્ષથી તેની પત્ની સાથે વડોદરમાં રહેતો હતો. પંરતુ, બે વર્ષથી પ્રવેન્દ્રસિંહ તેના પરિવારના સંપર્કમાં નહતો. ગઇકાલે રાત્રે પોણા અગિયાર વાગ્યે તે નેશનલ હાઇવે - ૪૮ પર મહાદેવ હોટલ નજીક રોડ ક્રોસ કરતો હતો. તે દરમિયાન એક વાહન ચાલકે તેને ટક્કર મારતા માથા,ચહેરા અને પગમાં ગંભીર ઇજા થતા તેનું સ્થળ પર જ મોત થયું હતું. જે અંગે કપુરાઇ પોલીસે કાયદેસરની કાર્યવાહી હાથ ધરી છે.