હોસ્ટેલમાં રહેવું ગમતું નહિ હોવાથી સુરતથી ભાગી ગયેલા ધોરણ-8ના વિદ્યાર્થીનું વડોદરા સ્ટેશને રેસ્ક્યૂ

સુરતની હોસ્ટેલમાંથી ભાગી છૂટેલા એક વિદ્યાર્થીને વડોદરા રેલવે સ્ટેશને આવેલી ટ્રેનમાંથી બચાવી લઇ તેના વાલીને સોંપવા તજવીજ કરાઇ છે.
મૂળ બિહારનો વતની એવા ધોરણ-૮ના વિદ્યાર્થીને તેના માતા-પિતાએ થોડા સમય પહેલાં સુરતની એક હોસ્ટેલમાં ભણવા માટે મૂક્યો હતો.પરંતુ આ વિદ્યાર્થીને અહીં રહેવું ન હતું.જેથી તક મળતાં જ તે હોસ્ટેલમાંથી ભાગી ગયો હતો.
બીજીતરફ ટ્રેનમાં બેઠેલા વિદ્યાર્થીની હરકતો જોઇ બાજુમાં બેઠેલા મુસાફરને શંકા ગઇ હતી અને તેણે ચાઇલ્ડ હેલ્પ લાઇનને જાણ કરી હતી.જેથી ટ્રેન વડોદરા આવતાં જ અભયમની ટીમ દ્વારા તેનું રેસ્ક્યૂ કરવામાં આવ્યું હતું.વિદ્યાર્થીના પિતાને જાણ કરાતાં તેઓ વડોદરા આવવા રવાના થઇ ગયા છે.