૧૫ વર્ષની સગીરા એક સપ્તાહ પછી પણ મળી આવી નથી

સોમા તળાવ વિસ્તારમાં રહેતા અને કરિયાણાની દુકાન ધરાવતા પરિવારની ૧૫ વર્ષની સગીરા ઘરેથી નીકળી ગયા બાદ એક સપ્તાહથી ગુમ છે.

શરૃઆતમાં માતાએ ઠપકો આપતાં સગીરા ઘર છોડીને જતી રહી હોવાનું પરિવારે જણાવ્યું હતું. ત્યારબાદ ૨૩ વર્ષના અતુલ સોલંકી નામનો યુવક સગીરાને લાલચ આપી ભગાડી ગયાનો પરિવાર દ્વારા આક્ષેપ કરાયો છે.

આ મામલે સગીરાના પિતાએ ગત ૫ સપ્ટેમ્બરે કપુરાઈ પોલીસ સ્ટેશનમાં ફરિયાદ નોંધાવી હતી. જોકે ફરિયાદ નોંધાયાને એક સપ્તાહનો સમય વીતી ગયો હોવા છતાં સગીરાનો કોઈ પતો નહીં લાગતા માતા-પિતા ચિંતિત બન્યા છે.

આજે સગીરાના માતા-પિતાએ આરોપીના પોસ્ટર સાથે પોલીસ સમક્ષ પોતાની પુત્રીને વહેલી તકે શોધી કાઢવાની માગ કરી હતી. વકીલે આક્ષેપ કર્યો કે પોલીસ તપાસમાં ઢીલાશ રાખી રહી છે અને ફરિયાદીને માત્ર આશ્વાસન આપેછે. સગીરા સાથે કોઈ અનિચ્છનીય ઘટના બને તો તેની જવાબદારી કોણ સ્વીકારશે એવું એમણે પૂછ્યું છે.