જમીનને સમથળ કર્યા વીના કામગીરી કરનાર તંત્ર આખરે જાગ્યું

લાખણી,તા.01

લાખણી તાલુકાના ચિત્રોડાથી કાતરવા વચ્ચે ફોરલેન રોડની કામગીરીમાં બેદરકારી દાખવતું તંત્ર આખરે સફાળુ જાગ્યું અને રોડની કામગીરી સત્વરે હાથ ધરી દીધી. જમીનને સમથળ કર્યા વિના રોડની કામગીરી શરૃ કરાતા સ્થાનિકોએ વિરોધ કર્યો હતો.

બનાસકાંઠા જિલ્લામાં વેપારી મથક ડીસા તાલુકાથી લાખણી તાલુકાને જોડતા રોડ ઉપર ફોર લાઈન રોડની કામગીરીમાં લાખણી તાલુકાના ચિત્રોડા બસસ્ટેન્ડની બન્ને બાજુ ઊંચાણવાળા વિસ્તારને સમતળ કર્યાં વગર રોડની કામગીરી ચાલુ કરવામાં આવતા સ્થાનિક લોકોએ  વિરોધ દર્શાવ્યો હતો. સ્થાનિક લોકોએજણાવ્યું હતું કે, કોન્ટ્રાકટર દ્વારા બસસ્ટેન્ડની બન્ને બાજુ આવેલા ધોરા કટિંગ કર્યા વગર ઊંચાણવાળા વિસ્તારમાં જૂની હાલતમાં નવો રોડ બનાવવાનું ચાલુ કરી દેવામાં આવ્યું છે એ કામગીરી યોગ્ય નહિ હોવાનું જણાવ્યું હતું જેના આધારે માર્ગ અને મકાન વિભાગના અધિકારીઓ સફાળા જાગ્યા હતા અને જમીન સમતળ કર્યા બાદ રોડની કામગીરી કરવાના આદેશ આપ્યા હતા. ત્યારે કોન્ટ્રાકટર દ્વારા ધોરા કટિંગ કરી રોડની કામગીરી કરવામાં આવી રહી છે.