Chandra Grahan 2026: જ્યોતિષ શાસ્ત્રમાં ગ્રહણ કાળને અત્યંત સંવેદનશીલ અને 'ભારી' સમય માનવામાં આવે છે. વર્ષ 2026નું પહેલું ચંદ્રગ્રહણ 3 માર્ચે થશે. ખગોળીય ઘટના થવાની સાથે-સાથે, ધાર્મિક અને જ્યોતિષીય માન્યતાઓ અનુસાર, ગ્રહણ દરમિયાન નીકળતી નકારાત્મક કિરણો વાતાવરણમાં દૂષિત ઉર્જા છોડી જાય છે. એટલે 3 માર્ચે ચંદ્રગ્રહણ બાદ ભૂલેચૂકે પણ ઘરમાં આ કામ ન કરતાં! જાણો મંદિર શુદ્ધ કરવાનો અચૂક ઉપાયો.
નકારાત્મક કિરણોના કારણે ગ્રહણના સૂતક કાળથી લઈને ગ્રહણ પૂર્ણ થાય ત્યાં સુધી મંદિરના દ્વાર બંધ રાખવાની સાથે ખાવાપીવામાં સાવચેતી રાખવામાં આવે છે. ગ્રહણ સમાપ્ત થતાંની સાથે જ, નકારાત્મકતા દૂર કરવા માટે આખા ઘરને શુદ્ધ કરવું ખૂબ જ મહત્ત્વપૂર્ણ છે. ચાલો જાણીએ કે ગ્રહણ પછી ઘર, મંદિર અને રસોડાને કેવી રીતે શુદ્ધ કરવું.
સ્નાન અને ગંગાજળનો ઉપયોગ
ગ્રહણ સમાપ્ત થતાંની સાથે જ, સૌ પ્રથમ વ્યક્તિએ પોતાને શુદ્ધ કરવું જોઈએ. ઘરના દરેક વ્યક્તિએ સ્નાન કરવું જોઈએ અને સ્વચ્છ કપડાં પહેરવા જોઈએ. પછી આખા ઘરમાં ગંગાજળનો છંટકાવ કરવો જોઈએ. હિન્દુ ધર્મમાં ગંગાજળને સૌથી પવિત્ર માનવામાં આવે છે અને તે તરત જ નકારાત્મક ઉર્જા દૂર કરે છે.
મંદિરની સફાઈ અને મૂર્તિ સ્નાન
ગ્રહણ પછી ઘરના મંદિરનું શુદ્ધિકરણ કરવું જરૂરી છે, કારણ કે ગ્રહણ દરમિયાન દરવાજા બંધ હોય છે. સૌપ્રથમ મૂર્તિ પરથી જૂનું કપડું કાઢી નાખો. મંદિરના દરેક ખૂણાને સ્વચ્છ પાણીથી સાફ કરો. મૂર્તિને ગંગાજળથી સ્નાન કરાવો. સ્નાન કર્યા પછી મૂર્તિને નવા કપડાં પહેરાવો અને ફરીથી સ્થાપિત કરો.
તાજા ફૂલો અને આરતી
જૂના ફૂલો અને માળા દૂર કરો કારણ કે તે અશુદ્ધ માનવામાં આવે છે. મંદિરમાં તાજા ફૂલો અર્પણ કરો, ધૂપ-દીપ પ્રગટાવો અને શુદ્ધિકરણ પછી આરતી કરો. આરતી અને મંત્રોનો અવાજ ઘરના વાતાવરણને ભક્તિ અને સકારાત્મકતામાં ફેરવે છે.
રસોડું અને ચૂલાની સફાઈ
રસોડામાં સ્વચ્છતા જાળવવાનું ખાસ ધ્યાન રાખો. ગ્રહણ પછી ગેસ સ્ટવ, ચૂલો અને બારીને સારી રીતે સાફ કરો. સિંકમાં વાસણો ફરીથી ધોઈ લો. જો તમે પહેલા કોઈપણ ખોરાકમાં તુલસીના પાન ઉમેર્યા હોય, તો તેને હમણાં જ કાઢી નાખો. ગ્રહણ પછી તાજો અને સાત્વિક ખોરાક તૈયાર કરવો શ્રેષ્ઠ છે.
મીઠાના પાણીથી પોતું કરવું
આ સરળ યુક્તિ અજમાવીને તમારા આખા ઘરને શુદ્ધ કરો. ઘરમાં પોતું કરતી વખતી પાણીમાં એક ચપટી મીઠું ઉમેરો. મીઠું વાસ્તુ દોષો અને નકારાત્મક ઉર્જાને શોષી લે છે. વધુમાં તમારા ઘરના મુખ્ય પ્રવેશદ્વાર પર ગૌમૂત્ર છાંટવું ખૂબ જ શુભ અને શુદ્ધિકરણકારક માનવામાં આવે છે.
આ પણ વાંચો: સૂર્ય-શનિની ખતરનાક યુતિથી બની રહ્યો છે અશુભ યોગ! 3 રાશિના જાતકોની વધશે મુશ્કેલી
દાન અને સારા કાર્યો
ગ્રહણ પછી દાનનું ફળ અનેકગણું વધી જાય છે. તમારી ક્ષમતા મુજબ ખોરાક, સફેદ કપડાં, દૂધ અથવા ખાંડનું દાન કરો. જરૂરિયાતમંદ વ્યક્તિને ભોજન કરાવવું પણ ખૂબ જ પુણ્ય કાર્ય છે. એવું માનવામાં આવે છે કે, દાન કરવાથી તમારી કુંડળીમાંથી ચંદ્રગ્રહણની નકારાત્મક અસરો ઓછી થાય છે.
