Chandra Grahan 2026: ગ્રહણ સમાપ્ત થતાં જ કરો આ 4 વસ્તુઓનું દાન, ધન-ધાન્યમાં થશે વૃદ્ધિ!

Raksha Bandhan 2026 : વર્ષ 2026નું બીજું અને છેલ્લું ચંદ્રગ્રહણ તારીખ 28 ઓગસ્ટના રોજ થવા જઈ રહ્યું છે. ખાસ વાત એ છે કે, આ વખતે ચંદ્રગ્રહણ રક્ષાબંધનના પર્વ પર જ આવી રહ્યું છે. આ એક ઊંડું આંશિક ચંદ્રગ્રહણ હશે, જે ભારતમાં દેખાશે નહીં. આમ છતાં ગ્રહણના સમય અને તેની સાથે જોડાયેલી ધાર્મિક માન્યતાઓને લઈને લોકોમાં ખાસ્સી ઉત્સુકતા જોવા મળી રહી છે.

ચંદ્રગ્રહણનો ચોક્કસ સમય

• 28 ઓગસ્ટના રોજ ચંદ્રગ્રહણની ઉપછાયા અવસ્થા સવારે 6:53 વાગ્યે શરૂ થશે.
• ત્યારબાદ સવારે 8:03 વાગ્યે આંશિક ચંદ્રગ્રહણનો પ્રારંભ થશે.
• ગ્રહણ પોતાની ચરમસીમા પર સવારે 9:43 વાગ્યે પહોંચશે.
• સવારે 11:21 વાગ્યે આંશિક ગ્રહણ પૂર્ણ થશે.
• છેલ્લે બપોરે 12:31 વાગ્યે ઉપછાયા અવસ્થા પણ સમાપ્ત થઈ જશે.

શું ભારતમાં ગ્રહણ દેખાશે અને સૂતક લાગશે?

આ આંશિક ચંદ્રગ્રહણ ભારતમાં જોવા મળશે નહીં, કારણ કે તે સમયે ભારતમાં દિવસનો સમય હશે. ધાર્મિક માન્યતાઓ અને પંચાંગ અનુસાર જે ગ્રહણ નરી આંખે દેખાતું ન હોય, તેનું સૂતક પણ માન્ય ગણાતું નથી. આથી ભારતમાં સૂતક પાળવાની જરૂર રહેતી નથી, પરંતુ લોકો પોતાની પારિવારિક કે પ્રાદેશિક પરંપરા મુજબ નિયમો પાળી શકે છે.

ગ્રહણ બાદ શું કરવું જોઈએ?

ધાર્મિક માન્યતા અનુસાર ગ્રહણ પૂર્ણ થયા પછી સ્નાન કરીને સ્વચ્છ કપડાં પહેરવા શુભ માનવામાં આવે છે. ત્યારબાદ ઘરના પૂજાસ્થળની યોગ્ય સાફ-સફાઈ કરી દીવો પ્રગટાવીને ઈશ્વરની આરાધના કરવામાં આવે છે. પૂજા બાદ પોતાની શ્રદ્ધા મુજબ દાન-પુણ્ય કરવાની પરંપરા છે.

• ચોખાનું દાન : જ્યોતિષીય માન્યતાઓમાં ચોખા અને અન્ય સફેદ વસ્તુઓનો સંબંધ ચંદ્ર સાથે માનવામાં આવે છે. તેથી ગ્રહણ પછી જરૂરિયાતમંદ વ્યક્તિને ચોખાનું દાન કરવું શુભ માનવામાં આવે છે. પોતાની ક્ષમતા અનુસાર ચોખા કે અન્ય અનાજનું દાન કરી શકાય છે.
• દૂધનું દાન : દૂધને પણ ચંદ્ર સાથે સંબંધિત વસ્તુ માનવામાં આવે છે. ગ્રહણ પછી જરૂરિયાતમંદ વ્યક્તિને દૂધ અથવા દૂધમાંથી બનેલી ખાદ્ય સામગ્રી આપવી ધાર્મિક દૃષ્ટિએ શુભ માનવામાં આવે છે.
• સફેદ વસ્ત્રોનું દાન કરો : સફેદ રંગને ચંદ્ર સાથે જોડીને જોવામાં આવે છે. આવા સમયે ગ્રહણ પછી સ્વચ્છ અને ઉપયોગ કરવા યોગ્ય સફેદ કપડાં કોઈ જરૂરિયાતમંદને દાન કરી શકાય છે.
• ખાંડનું દાન : ખાંડ પણ સફેદ વસ્તુઓમાં સામેલ છે. જ્યોતિષીય માન્યતાઓ અનુસાર ગ્રહણ પછી ખાંડનું દાન કરવું શુભ માનવામાં આવે છે. આને ચંદ્ર સાથે જોડાયેલા ઉપાયોમાં ગણવામાં આવે છે.
• અન્નનું દાન : ગ્રહણ પછી જરૂરિયાતમંદ લોકોને ભોજન કે રાશન આપવું પણ પુણ્યકારી માનવામાં આવે છે. તમે તમારી ક્ષમતા અનુસાર લોટ, ચોખા, દાળ કે અન્ય ખાદ્ય સામગ્રી દાન કરી શકો છો.
• જરૂરિયાતમંદોની મદદ કરો : ગ્રહણ પછી કોઈ જરૂરિયાતમંદ વ્યક્તિને ભોજન, કપડાં કે જરૂરી સામાન આપવો ધાર્મિક માન્યતાની સાથે સાથે માનવીય દૃષ્ટિએ પણ સારું કાર્ય છે. દાન હંમેશા પોતાની ક્ષમતા અનુસાર અને કોઈપણ દેખાડા વગર કરવું વધુ યોગ્ય માનવામાં આવે છે.

ગ્રહણ પછી આ બાબતોનું ધ્યાન રાખો

ગ્રહણ સમાપ્ત થયા પછી સ્નાન અને પૂજા કરવાની પરંપરા છે. ઘરની સાફ-સફાઈ કર્યા પછી પૂજા સ્થળ પર દીવો પ્રગટાવી શકો છો. આ પછી પોતાની શ્રદ્ધા અને સામર્થ્ય અનુસાર અન્ન, વસ્ત્ર કે અન્ય જરૂરી વસ્તુઓનું દાન કરી શકાય છે.