અમરેલીના ધારી, ખાંભા પંથકના ગ્રામ્ય વિસ્તારોમાં ધીમીધારે વરસાદ, જૂનાગઢ-ગીર સોમનાથમાં પણ વરસાદી ઝાપટાં

Saurashtra Amreli Rain News: ગુજરાતમાં ચોમાસુ વિદાય લઈ રહ્યું છે, ત્યારે સૌરાષ્ટ્રના જૂનાગઢ, ગીર સોમનાથ, અમરેલી જિલ્લામાં બુધવારે(30 સપ્ટેમ્બર) ધીમીધારે વરસાદ વરસ્યો છે. જેમાં અમરેલીના ધારી ગીર, બગસરા સહિતના વિસ્તારોમાં સારો એવો વરસાદ નોંધાયો છે.

અમરેલીના અનેક તાલુકામાં વરસાદ

અમરેલીના ધારી ગીરના ગામોમાં આજે બપોર બાદ વાતાવરણ પલટાતા વરસાદ વરસ્યો થયો હતો. અસહ્ય ગરમી અને ઉકળાટ બાદ ધારીના અનેક ગામડાઓમાં વરસાદ થયો. જેમાં ધારી ગીર કાંઠાના ગ્રામ્ય વિસ્તારો બાદ ધારીના ચલાલા પંથકના ગામડાઓમાં વરસાદ નોંધાયો. ચલાલા, ગોપાલગ્રામ, દહીડા, આંબરડી, ધારી ગીરકાંઠાના સરસિયા, ગોવિંદપુર, વીરપુર, ગઢિયા, જીરા હીરાવા સહિતના ગામોમાં વરસાદ ખાબક્યો.

સારો એવો વરસાદ પડતાં ધારીના સરસિયા ગામની સ્થાનિક નદીમાં નવા નીર આવ્યા છે. જ્યારે ધારી બાદ ખાંભા અને બગસરાના ગ્રામ્ય પંથકમાં સમઢીયાળા, લુઘીયા, જાંજરીયા સહિતના વિસ્તારોમાં વરસાદ થતાં ભારે બફારાબાદ વાતાવરણમાં ઠંડક પ્રસરી છે.