VIDEO: અમરેલીના રાજુલામાં સિંહ-દીપડાના આંટાફેરાથી સ્થાનિકોમાં ફફડાટ, વીડિયો વાઈરલ થતાં વન વિભાગ એક્શનમાં
Summarized by AI; it may make mistakes. Check important info
Summarized by AI; it may make mistakes. Check important info
Amreli News: અમરેલી, ગીર સોમનાથ સહિતના વિસ્તારોમાં સિંહ, દીપડાના આંટાફેરાના વીડિયો સોશિયલ મીડિયામાં વાઈરલ થતાં હોય છે, ત્યારે અમરેલીના રાજુલા શહેરમાં દીપડો જોવા મળતાં સ્થાનિકોમાં ફફડાટ ફેલાયો હતો. બીજી તરફ, શિકારની શોધમાં રાજુલાના ધુડિયા આગરીયા ગામમાં ત્રણ સિંહો પ્રવેશ્યાના સીસીટીવી ફૂટેજ સામે આવ્યા છે.
અમરેલીના રાજુલામાં સિંહ-દીપડાના આંટાફેરાથી સ્થાનિકોમાં ફફડાટ
અમરેલીના રાજુલા શહેરના આગરીયા જકાત નાકા વિસ્તારમાં ગત મોડી રાત્રે દીપડો જોવા મળ્યો હતો. જેમાં સન્યાસ આશ્રમ ખાતે મંદિરમાં દીપડો આવી પહોંચ્યો હતો. માનવ વસાહતમાં દીપડો દેખાતા સ્થાનિકોમાં ભય જોવા મળ્યો હતો. દીપડાનો વીડિયો સોશિયલ મીડિયામાં વાઈરલ થતાં રાજુલા વનવિભાગની ટીમ દ્વારા તપાસ હાથ ધરવામાં આવી છે.
બીજી તરફ, રાજુલાના ધુડીયા આગરીયા ગામમાં સિંહોના આંટાફેરાના દ્રશ્યો સામે આવ્યા છે. જેમાં ધુડીયા આગરીયા ગામે 3 સિંહો શિકારની શોધમાં આવી ચડ્યા હતા. જેમાં 3 સિંહોએ પશુ પાછળ શિકાર કરવા માટે દોટ મૂકતા સીસીટીવી ફૂટેજમાં સ્પષ્ટ જોવા મળે છે. આ ઘટના ગત 24 જુલાઈ છે. 2 દિવસ પહેલાના સિંહના સીસીટીવી વીડિયો સોશિયલ મીડિયામાં વાઈરલ થયા છે.
