અસારવા સ્ટેશન પર પ્લેટફોર્મની કામગીરીને પગલે 1 મહિનાનો ટ્રાફિક બ્લોક: મેમૂ ટ્રેન રદ, ઇન્દોર એક્સપ્રેસ હવે નરોડા સુધી જ દોડશે

Asarwa Railway Station Traffic Block: પશ્ચિમ રેલવેના અમદાવાદ ડિવિઝન હેઠળ આવેલા અસારવા રેલવે સ્ટેશન પર દીવાલની કામગીરી શરૂ કરવામાં આવનાર છે. જેમાં અસારવા સ્ટેશનના પ્લેટફોર્મ નંબર 3 પર પ્લેટફોર્મ વોલના નિર્માણ કાર્યને પગલે 1 ઓક્ટોબરથી 30 ઓક્ટોબર સુધી ટ્રાફિક બ્લોક લેવાનો નિર્ણય કરવામાં આવ્યો છે. જેના કારણે અસારવા તરફ આવતી-જતી કેટલીક ટ્રેનોના સંચાલનમાં ફેરફાર કરાયો છે, જેમાં મેમૂ ટ્રેન સંપૂર્ણ રદ અને કેટલીક ટ્રેનોને શોર્ટ ટર્મિનેટ/ઓરિજિનેટ કરવામાં આવી છે.

સંપૂર્ણપણે રદ કરાયેલી ટ્રેનો

• ટ્રેન નં. 69245 (અસારવા–હિંમતનગર મેમૂ): 1 ઓક્ટોબરથી 30 ઓક્ટોબર સુધી સંપૂર્ણ રદ રહેશે.
• ટ્રેન નં. 69246 (હિંમતનગર–અસારવા મેમૂ): 2 ઓક્ટોબરથી 31 ઓક્ટોબર સુધી સંપૂર્ણ રદ રહેશે.

શોર્ટ ટર્મિનેટ અને નરોડાથી ઉપડનારી ટ્રેનો

• ટ્રેન નં. 19315 (ઇન્દોર–અસારવા વીર ભૂમિ એક્સપ્રેસ): 30 સપ્ટેમ્બરથી 29 ઓક્ટોબર દરમિયાન અસારવા સુધી જવાને બદલે નરોડા સ્ટેશન પર જ યાત્રા પૂર્ણ (શોર્ટ ટર્મિનેટ) કરશે.
• ટ્રેન નં. 19316 (અસારવા–ઇન્દોર વીર ભૂમિ એક્સપ્રેસ): 1 ઓક્ટોબરથી 30 ઓક્ટોબર દરમિયાન અસારવાને બદલે નરોડા સ્ટેશનથી ઉપડશે.
• ટ્રેન નં. 09406 (ખેડબ્રહ્મા–અસારવા ભાદરવી પૂનમ સ્પેશિયલ): 1 ઓક્ટોબરના રોજ અસારવાના બદલે નરોડા સ્ટેશન પર જ શોર્ટ ટર્મિનેટ કરવામાં આવશે.