એપ્રિલ મહિનામાં ફરવા માટેના ઉત્તરાખંડના સૌથી સુંદર પ્લેસ.

એપ્રિલમાં 15થી 25 ડિગ્રી તાપમાન ધરાવતા નૈનીતાલમાં નૈની તળાવમાં નૌકાવિહાર, નૈના દેવીના દર્શન અને કેબલ કાર દ્વારા સ્નો વ્યુ પોઈન્ટનો અદભૂત નજારો માણી શકાય છે.

કેમ્પ્ટી ફોલના ઠંડા પાણી અને લાલ ટિબ્બાના ટ્રેક સાથે મસૂરીમાં ગન હિલ પરથી હિમાલય અને દૂન ખીણના અદભૂત નજારા માણી શકાય છે.

ઋષિકેશ એડવેન્ચર પ્રેમીઓ માટે શ્રેષ્ઠ સ્થળ છે. અહીં ગંગા નદીમાં રિવર રાફ્ટિંગ અને બંજી જમ્પિંગનો રોમાંચ માણવા મળે છે, સાથે જ યોગ અને ધ્યાન દ્વારા અદભૂત માનસિક શાંતિનો અનુભવ પણ કરી શકાય છે.

વિન્ટર સ્પોર્ટ્સ માટે જાણીતા ઓલીમાં એપ્રિલમાં પણ પહાડો પર જામેલો બરફ જોવા મળે છે. ભલે આ સમયે નવી બરફવર્ષા ન થાય, પરંતુ બરફથી ઢંકાયેલા પહાડોનો નજારો પ્રવાસીઓને ચોક્કસ આનંદ આપે છે.

ટ્રેકિંગ અને કેમ્પિંગ માટે સ્વર્ગ સમાન ચોપતાની હરિયાળી અને શાંતિ પ્રવાસીઓને મંત્રમુગ્ધ કરે છે. એપ્રિલમાં પણ અહીં તાપમાન 10 ડિગ્રીથી ઓછું રહેતું હોવાથી આ સ્થળનું પ્રવાસન ક્ષેત્રે ખાસ મહત્ત્વ છે.

શાંત વાતાવરણ અને પંચાચૂલી શિખરોના મનોરમ દ્રશ્યો જોવા માટે પિથૌરાગઢ અને ચૌકોરી ઉત્તમ છે. અહીં તમે બરફના શિખરોનો આનંદ માણી શકો છો.

વન્યજીવ પ્રેમીઓ માટે એપ્રિલ મહિનો સફારી માટે શ્રેષ્ઠ છે. જિમ કોર્બેટ નેશનલ પાર્કમાં નવું શરૂ થયેલું 'ફોન્ટો ઝોન' આકર્ષણનું કેન્દ્ર છે, જ્યાં પ્રવાસીઓ ટ્રી-હાઉસ અને નેચરલ ટ્રેક જેવી ઈકો-ફ્રેન્ડલી સુવિધાઓનો આનંદ માણી શકે છે.