Shubman Gill Runs Out Rohit Sharma : ધર્મશાલામાં રમાયેલી પહેલી વનડે મેચમાં એક હાઈ-વોલ્ટેજ ડ્રામા જોવા મળ્યો હતો. ભારતીય ટીમના સ્ટાર ઓપનર રોહિત શર્મા આ મેચમાં કમનસીબે રન આઉટ થઈ ગયો હતો. જેના કારણે સોશિયલ મીડિયા પર ફેન્સ વચ્ચે જોરદાર ચર્ચા શરૂ થઈ ગઈ છે. રસપ્રદ વાત એ છે કે, આ રન આઉટ બાદ પણ ક્રિઝ પર ટકી રહેલા શુભમન ગિલે બેટિંગથી એવી ધમાકેદાર વાપસી કરી કે માત્ર મેચ જ ન જીતાડી પરંતુ એક મોટો વર્લ્ડ રેકોર્ડ પણ પોતાના નામે કરી લીધો.
શુભમન ગિલના કારણે રનઆઉટ થયો રોહિત શર્મા
મેચ દરમિયાન રોહિત શર્માએ લેગ સાઈડમાં એક શાનદાર શોટ રમીને રન લેવા માટે દોડ લગાવી હતી. બીજી તરફ રહેલા શુભમન ગિલ પણ થોડો આગળ નીકળ્યો, પરંતુ અચાનક પીછેહઠ કરીને ક્રીઝમાં પાછો ફરી ગયો. રોહિત શર્માએ પણ અધવચ્ચે રોકાઈને પાછા ફરવાનો પ્રયાસ કર્યો, પરંતુ ત્યાં સુધીમાં મોડું થઈ ચૂક્યું હતું અને તેઓ રન આઉટ થઈ ગયો.
શુભમન ગિલના કારણે અગાઉ પણ આઉટ થયો છે રોહિત શર્મા
વર્ષ 2024થી અત્યાર સુધીમાં રોહિત શર્મા ઇન્ટરનેશનલ ક્રિકેટમાં કુલ 2 વાર રન આઉટ થયો છે અને આ બંને વખતે બીજા છેડે શુભમન ગિલ જ હાજર હતો! રોહિતે આ મેચમાં 16 બોલમાં 2 ચોગ્ગા અને 1 છગ્ગાની મદદથી 16 રન બનાવ્યા હતા.
રોહિત શર્માએ બનાવ્યો રેકોર્ડ
આ મેચમાં મેદાન પર ઉતરતાની સાથે જ રોહિત વનડે ક્રિકેટ રમનાર સૌથી મોટી ઉંમરનો ભારતીય ખેલાડી પણ બની ગયો છે.
રોહિત શર્માએ મોટું મન રાખીને કહ્યું- કોઈ વાંધો નહીં
આ રન આઉટ દરમિયાન ભારતીય કેપ્ટન શુભમન ગિલના રસ્તામાં અફઘાનિસ્તાનનો બોલર વચ્ચે આવી ગયો હતો, જેના કારણે આ ગેરસમજ સર્જાઈ હતી. મેચ પૂરી થયા બાદ પોસ્ટ મેચ ઇન્ટરવ્યૂમાં ગિલને આ રન આઉટ વિશે પૂછવામાં આવ્યું ત્યારે તેણે કહ્યું કે, રોહિત ભાઈએ ડ્રેસિંગ રૂમમાં જઈને રન આઉટનો રીપ્લે જોયો અને ત્યારબાદ તેમણે કહ્યું કે બધું બરાબર છે, કોઈ વાંધો નહીં. અફઘાનિસ્તાન સામે રમાયેલી છેલ્લી T20 મેચમાં પણ તેઓ આ જ રીતે રન આઉટ થયા હતા.
પ્લેયર ઓફ ધ મેચ બન્યો ગિલ
કેપ્ટન શુભમન ગિલે કેપ્ટન રોહિત શર્માના રન આઉટની પૂરેપૂરી ભરપાઈ પોતાના શાનદાર બેટિંગ પ્રદર્શનથી કરી દીધી હતી. તેણે અફઘાનિસ્તાનના બોલરોની બરાબરની ધુલાઈ કરતા માત્ર બોલમાં 84 રનની અણનમ તોફાની ઇનિંગ રમી હતી. આ શાનદાર પ્રદર્શન માટે તેને 'પ્લેયર ઓફ ધ મેચ'ના એવોર્ડથી નવાજવામાં આવ્યો હતો.
આ મેચ શુભમન ગિલના કરિયર માટે ઐતિહાસિક સાબિત થઈ છે. ગિલ હવે ભારત તરફથી વનડે ક્રિકેટમાં સૌથી ઝડપી 3,000 રન પૂરા કરનારો બેટર બની ગયો છે. તેણે આ સિદ્ધિ માત્ર 61મી ઇનિંગમાં હાસિલ કરી છે.
