Sports

ન્યૂઝીલેન્ડ સામે પહેલી ટેસ્ટમાં શુભમન ગિલનો દબદબો, સદી ચૂક્યો છતાં ધોનીનો 12 વર્ષ જૂનો રેકોર્ડ તોડ્યો

By GS Team
21 Nov 20262 mins read
TukuTouch Logo
વેલિંગ્ટન ટેસ્ટના ત્રીજા દિવસે શુભમન ગિલે 98 રન બનાવી MS ધોનીનો 12 વર્ષ જૂનો રેકોર્ડ તોડ્યો છે. 2014માં ધોનીએ ન્યુઝીલેન્ડમાં ભારતીય કેપ્ટન તરીકે 68 રન બનાવ્યા હતા. ગિલની આ ઇનિંગ ન્યુઝીલેન્ડની ધરતી પર ચોથો સૌથી મોટો વ્યક્તિગત ટેસ્ટ સ્કોર છે. આ સાથે ભારતે 4 વિકેટે 486 રન બનાવી 118 રનની લીડ મેળવી છે.

Summarized by AI; it may make mistakes. Check important info

ન્યૂઝીલેન્ડ સામે પહેલી ટેસ્ટમાં શુભમન ગિલનો દબદબો, સદી ચૂક્યો છતાં ધોનીનો 12 વર્ષ જૂનો રેકોર્ડ તોડ્યો

IND vs NZ Gill Break MS Dhoni 12 Year Old Record : વેલિંગ્ટન ટેસ્ટનો ત્રીજો દિવસ, છેલ્લી ઓવર ચાલી રહી હતી. શુભમન ગિલ 98 રન ફટકારી ચૂક્યો હતો અને છેલ્લી ઓવરના ચોથા બોલ પર કેપ્ટન આઉટ થઈ ગયો. મેદાનમાં સન્નાટો છવાઈ ગયો અને ચહેરા પર નિરાશા સ્પષ્ટ દેખાઈ રહી હતી. બીજી બાજુ ઋષભ પંત ઊભો-ઊભો જોઈ રહ્યો હતો અને તેણે કેપ્ટનનું મનોબળ વધારવાનો પ્રયત્ન કર્યો. પરંતુ આ નિરાશા વચ્ચે પણ શુભમન ગિલે એમએસ ધોનીનો 12 વર્ષ જૂનો એક રેકોર્ડ તોડી નાખ્યો.

આજથી 12 વર્ષ પહેલાં, 2014માં એમએસ ધોનીએ વેલિંગ્ટનના મેદાન પર રમતાં-રમતાં 68 રનની ઇનિંગ રમી હતી. ત્યાર સુધી તે કોઈપણ ભારતીય કેપ્ટન દ્વારા ન્યૂઝીલેન્ડની ધરતી પર ચોથો સૌથી મોટો વ્યક્તિગત સ્કોર હતો. પરંતુ શુભમન ગિલે 98 રનની ઇનિંગ રમીને ધોનીને પાછળ ધકેલી દીધો છે.

એમએસ ધોનીનો રેકોર્ડ તોડ્યો

ન્યૂઝીલેન્ડમાં સૌથી મોટો વ્યક્તિગત ટેસ્ટ સ્કોર બનાવનાર ભારતીય કેપ્ટન મોહમ્મદ અઝહરુદ્દીન છે, જેમણે વર્ષ 1990માં ઑકલેન્ડમાં 192 રનની ઇનિંગ રમી હતી. આ યાદીમાં શુભમન ગિલ હવે ચોથા ક્રમે આવી ગયો છે. માત્ર સુનિલ ગાવસ્કર અને મોહમ્મદ અઝહરુદ્દીન જ ગિલથી આગળ છે.

  1. 192 રન – મોહમ્મદ અઝહરુદ્દીન – 1990
  2. 116 રન – સુનિલ ગાવસ્કર – 1976
  3. 103 રન – મોહમ્મદ અઝહરુદ્દીન – 1998
  4. 98 રન – શુભમન ગિલ – 2026
  5. 68 રન – એમએસ ધોની – 2014

ટીમ ઇન્ડિયાને અપાવી લીડ

શુભમન ગિલ ઇનિંગની 84મી ઓવરમાં બેટિંગ કરવા આવ્યો હતો. દેવદત્ત પડિક્કલ આઉટ થયા બાદ, ગિલે કેએલ રાહુલ સાથે મળીને ઇનિંગ સંભાળી હતી. રાહુલ અને ગિલ વચ્ચે 91 રનની ભાગીદારી થઈ હતી. રાહુલ 136 રન બનાવીને આઉટ થઈ ગયો હતો, ત્યારબાદ દિવસની છેલ્લી ઓવરમાં ગિલ જેકબ ડફીનો શિકાર બન્યો. ત્રીજા દિવસે રમત પૂરી થાય ત્યાં સુધીમાં ભારતે 4 વિકેટના નુકસાન પર 486 રન બનાવી લીધા હતા અને ન્યૂઝીલેન્ડ વિરુદ્ધ 118 રનની લીડ મેળવી લીધી હતી.