રાંચીમાં 249 રન બનાવીને પણ ભારત હાર્યું: ગૌતમ ગંભીર ભડક્યા, કહ્યું- 'બોલર્સનું કરિયર બરબાદ થઈ જશે'

Gautam Gambhir Backs Shivam Dube Batting Order: ભારતીય ક્રિકેટ ટીમના હેડ કોચ ગૌતમ ગંભીરે રાંચી ખાતે વેસ્ટ ઈન્ડીઝ સામેની બીજી T20 ઈન્ટરનેશનલ મેચમાં ઓલરાઉન્ડર શિવમ દુબેના ક્રમમાં પ્રમોશન આપીને નંબર 4 પર બેટિંગ કરવા મોકલવાના નિર્ણયનો બચાવ કર્યો છે. જોકે શિવમ દુબે આ મેચમાં કોઈ ખાસ ઈમ્પેક્ટ છોડી શક્યો નહોતો. ગંભીરે સ્પષ્ટતા કરતા પુનરાવર્તન કર્યું હતું કે, T20 ફોર્મેટમાં બેટિંગ ઓર્ડરમાં ફ્લેક્સિબિલિટી જાળવવી એ ટીમની રણનીતિનો મુખ્ય ભાગ છે.

ઈશાનના આઉટ થયા બાદ દુબેનો સંઘર્ષ

ઈશાન કિશનના આઉટ થયા બાદ ફોર્મમાં ચાલી રહેલા કેપ્ટન શ્રેયસ અય્યરની જગ્યાએ નંબર 4 પર મોકલાયેલો દુબે 10 બોલમાં માત્ર 7 રન બનાવીને સંઘર્ષ કરતો જોવા મળ્યો હતો. મિડલ ઓવરોમાં તે વેસ્ટ ઈન્ડીઝના ઓફ-સ્પિનર રોસ્ટન ચેસનો ત્રીજો શિકાર બન્યો હતો. JSCA સ્ટેડિયમ ખાતે મેચ પછીની પ્રેસ કોન્ફરન્સમાં ગંભીરે જણાવ્યું હતું કે, 'અમે તેનો આ રીતે લાંબા સમયથી ઉપયોગ કરી રહ્યા છીએ, જેમાં વર્લ્ડ કપ દરમિયાન અને તે પહેલાનો સમય પણ સામેલ છે. એવું નથી કે આ માત્ર આજનો કોઈ એક ક્ષણિક નિર્ણય હતો.'

સ્પિન બોલિંગનો હતો પડકાર

ડાબોડી બેટ્સમેનો સામે રોસ્ટન ચેસની સફળતા છતાં, ભારતે સ્પિન બોલિંગનો સામનો કરવા માટે દુબે પર ભરોસો બતાવ્યો હતો. સતત ઓવરોમાં વિકેટો ગુમાવ્યા બાદ ભારત કદાચ 20 જેટલા રન ઓછા બનાવી શક્યું હતું, જેમાં ટીમનો ટોપ સ્કોરર સંજુ સેમસન પણ દુબેના આઉટ થયાના થોડા સમય બાદ જ પેવેલિયન ભેગો થઈ ગયો હતો.