ચંદ્ર-શનિનો વિષ યોગ 3 રાશિઓ માટે ઘાતક સાબિત થશે! આજથી જ બજેટ બગાડે તેવી શક્યતા

Chandra-Shani Vish Yog 2026: આજે 9 ઓક્ટોબરના રોજ ચંદ્રમા પોતાની રાશિ પરિવર્તન કરીને સવારે કન્યા રાશિમાં પ્રવેશ કરશે. આ સાથે જ શનિ દેવ પહેલેથી જ મીન રાશિમાં બિરાજમાન છે. જ્યોતિષ શાસ્ત્ર મુજબ, કન્યા અને મીન રાશિ એકબીજાથી સાતમા સ્થાને હોવાથી ચંદ્ર અને શનિ વચ્ચે 'સમસપ્તક યોગ' રચાશે અને બંને ગ્રહો એકબીજા પર સાતમી દ્રષ્ટિ નાખશે, જેના કારણે અશુભ ગણાતા 'વિષ યોગ'નું નિર્માણ થઈ રહ્યું છે.

જન્મકુંડળીમાં જ્યારે ચંદ્ર અને શનિ આ સ્થિતિમાં હોય ત્યારે તેને 'વિષ યોગ' કહેવામાં આવે છે. આ યોગની અસર વ્યક્તિના માનસિક સ્વાસ્થ્ય, આર્થિક સ્થિતિ, પારિવારિક જીવન અને કાર્યક્ષેત્ર પર પડી શકે છે. આજના દિવસે રચાઈ રહેલો આ યોગ કેટલીક રાશિઓ માટે મુશ્કેલીઓ ભરેલો સાબિત થઈ શકે છે, તેથી આ રાશિના લોકોએ વિશેષ સાવચેતી રાખવાની જરૂર છે.

મેષ રાશિ

મેષ રાશિના જાતકો માટે આ યોગ કેટલીક મુશ્કેલીઓ લઈને આવી શકે છે. આ સમયગાળા દરમિયાન માનસિક તણાવ વધવાની સાથે સ્વાસ્થ્ય સંબંધી નાની-મોટી તકલીફો પણ પરેશાન કરી શકે છે. વણજોઈતા વિવાદોથી દૂર રહેવું અને ધીરજપૂર્વક કામ કરવું. આર્થિક લેણ-દેણ કરતી વખતે સાવધ રહેવું તેમજ વાહન ચલાવતી વખતે ઉતાવળ ન કરવી. પોતાની વાણી પર સંયમ રાખવો જરૂરી છે, કારણ કે નાની વાત પણ ગેરસમજ ઊભી કરી શકે છે. માનસિક શાંતિ માટે નિયમિતપણે હનુમાન ચાલીસાનો પાઠ કરવો.

તુલા રાશિ

તુલા રાશિના જાતકોના ખર્ચમાં અચાનક વધારો જોવા મળી શકે છે. તેથી, પોતાની આવક અને જરૂરિયાતોને ધ્યાનમાં રાખીને અગાઉથી જ આર્થિક આયોજન કરવું વધુ સારું રહેશે. ચંદ્રમા બારમા ભાવમાં અને શનિ છઠ્ઠા ભાવમાં હોવાથી વિરોધીઓ અને પ્રતિસ્પર્ધીઓ પર નજર રાખવી અનિવાર્ય છે. આ સમયે કોઈપણ વ્યક્તિ પર આંખ બંધ કરીને ભરોસો કરવો નુકસાનકારક સાબિત થઈ શકે છે. કાર્યસ્થળ પર સહકર્મીઓ સાથે મતભેદ થવાની સંભાવના છે. આ યોગના નકારાત્મક પ્રભાવથી બચવા માટે ભગવાન શિવની આરાધના કરવી.

કુંભ રાશિ

કુંભ રાશિના જાતકોએ આ સમયગાળા દરમિયાન પોતાના પારિવારિક સંબંધો બાબતે વિશેષ સાવચેતી રાખવી પડશે. ઘર-પરિવારમાં કોઈ વાતને લઈને તણાવભર્યું વાતાવરણ સર્જાઈ શકે છે. ધંધાકીય ક્ષેત્ર સાથે જોડાયેલા લોકોએ નાણાકીય લેણ-દેણ કરવામાં ખાસ સતર્ક રહેવું. કોઈ વિશ્વાસપાત્ર વ્યક્તિની હાજરીમાં જ મોટા આર્થિક નિર્ણયો લેવા. સ્વાસ્થ્યને બિલકુલ નજરઅંદાજ ન કરવું. જો તમે નોકરી બદલવાનું વિચારી રહ્યા હોવ, તો ઓક્ટોબરના મધ્ય સુધી રાહ જોવી વધુ હિતાવહ રહેશે. વિષ યોગની અસર ઘટાડવા માટે ભગવાન શિવના મંત્રનો જાપ કરવો.