બોયફ્રેન્ડ-ગર્લફ્રેન્ડ એક્સપિરિયન્સ આપતાં AI કમ્પેનિયન્સ એપ્સ કેમ ચીનમાં ઓફલાઇન થઈ રહ્યા છે?, જાણો કારણ...

AI Companions: ચીનની અગ્રણી ટેક કંપની બાઇટડાન્સની 'Doubao' અને અલીબાબાની 'Qwen' જેવી લોકપ્રિય કન્ઝ્યુમર આર્ટિફિશિયલ ઇન્ટેલિજન્સ (AI) એપ્સે તેમના માણસ જેવા કસ્ટમ AI એજન્ટ્સ ફીચર્સને બંધ કરવાનો નિર્ણય લીધો છે. ચીનની સરકાર દ્વારા હ્યુમનલાઈક AI ઇન્ટરેક્શન સર્વિસીસ પર આગામી સમયમાં લાગુ થનારા કડક નિયમોને ધ્યાનમાં રાખીને આ મોટું પગલું ભરવામાં આવ્યું છે. ચીનની સરકાર દ્વારા ઝડપથી વિકસી રહેલા આ ટેકનોલોજી સેક્ટર પર પોતાનું મજબૂત નિયંત્રણ સ્થાપિત કરવાના ભાગરૂપે આ નવો રેગ્યુલેટરી ફ્રેમવર્ક તૈયાર કરવામાં આવ્યો છે.

Doubao એપ 15 જુલાઈથી એજન્ટ ફીચર કરશે બંધ

બાઇટડાન્સની લોકપ્રિય એપ Doubaoએ તેના યુઝર્સને સત્તાવાર રીતે માહિતી આપી છે કે, પ્રોડક્ટ ફંક્શન એડજસ્ટમેન્ટના કારણે આગામી 15 જુલાઈથી તેનું કસ્ટમાઇઝ્ડ એજન્ટ ફીચર સંપૂર્ણપણે બંધ કરી દેવામાં આવશે. આ સાથે જ કંપનીએ સ્પષ્ટ કર્યું છે કે, 15 ઓક્ટોબર પછી આ ફીચર સંબંધિત તમામ ડેટાને પ્રાઇવસી પોલિસી અનુસાર પ્રોસેસ કરવામાં આવશે અને યુઝર્સ તેને એપની અંદર ફરી ક્યારેય એક્સેસ કે રીટ્રીવ કરી શકશે નહીં.

Qwen પણ યુઝર-ક્રિએટેડ એજન્ટ સર્વિસ બંધ કરશે

Doubaoના પગલે ચાલીને અલીબાબાની Qwen એપ પણ આગામી 10 જુલાઈથી તેના 'હ્યુમનલાઈક ઇન્ટરેક્ટિવ એજન્ટ્સ' અને 'યુઝર-ક્રિએટેડ એજન્ટ ફંક્શન્સ'ને ડિસેબલ કરી દેશે. કંપનીએ જણાવ્યું છે કે બ્રોડર 'Qwen એજન્ટ ફંક્શન્સ અને સર્વિસીસ'ને 15 જુલાઈ સુધીમાં ઓફલાઇન કરી દેવામાં આવશે. આ ડેડલાઈન બાદ યુઝર્સ અગાઉ બનાવેલા એજન્ટ સેટિંગ્સ કે જૂની વાતચીતના ચેટ હિસ્ટ્રીને પણ જોઈ શકશે નહીં.

હ્યુમનલાઈક AI ઇન્ટરેક્શન માટેના નવા નિયમો શું છે?

ચીનમાં આ ફીચર્સ બંધ થવાનું મુખ્ય કારણ આગામી 15 જુલાઈથી લાગુ થઈ રહેલા નવા સરકારી નિયમો છે, જેને 'Interim Measures for the Administration of Artificial Intelligence Anthropomorphic Interaction Services' નામ આપવામાં આવ્યું છે.

એપ્રિલ મહિનામાં જાહેર કરાયેલા આ નિયમો ખાસ કરીને એવા AI સર્વિસીસ પર લાગુ થાય છે જે:

• મનુષ્યના વ્યક્તિત્વના લક્ષણોની નકલ કરે છે.
• માણસ જેવી વિચારવાની શૈલી અને વાતચીતની પદ્ધતિ ધરાવે છે.
• યુઝર્સ સાથે સતત ઇમોશનલ ઇન્ટરેક્શન પ્રદાન કરે છે.

આ નિયમો કોને લાગુ નહીં થાય?

આ નવા કડક નિયમો સામાન્ય કસ્ટમર સર્વિસ બોટ્સ કે ઓફિસ વર્કપ્લેસ આસિસ્ટન્ટ્સ પર લાગુ થશે નહીં, જ્યાં સુધી તેઓ યુઝર્સ સાથે કોઈ પણ પ્રકારના સતત ઇમોશનલ સંવાદ કે લાગણીશીલ જોડાણમાં સામેલ ન હોય.

ચીનની સરકારના આ કડક વલણને કારણે હવે ત્યાંની ટેક કંપનીઓએ પોતાના યુઝર્સને માનસિક કે લાગણીશીલ સપોર્ટ આપતા AI કમ્પેનિયન્સને ફરજિયાતપણે અલવિદા કહેવું પડી રહ્યું છે.