CNAP શું છે? 1 નવેમ્બરથી લાગુ થશે નવો નિયમ, ભારતના કરોડો ફોન યુઝર્સને થશે ફાયદો

What is CNAP: 1 નવેમ્બરથી ભારતમાં નવો નિયમ લાગુ થવા જઈ રહ્યો છે, જેના પછી કરોડો ભારતીય મોબાઈલ યૂઝર્સને ફાયદો થશે. હવે અજાણ્યા નંબરો પરથી આવતા કૉલના નંબરની સાથે સિમ યૂઝર્સનું નામ પણ દેખાશે. વાસ્તવમાં ભારત સરકારના ટેલિકોમ વિભાગ (DoT) દ્વારા ટેલિકોમ સર્વિસ પ્રોવાઈડર્સને દિશા-નિર્દેશો આપવામાં આવ્યા છે.

DoTએ ઓર્ડર જારી કરીને તમામ ટેલિકોમ સર્વિસ પ્રોવાઈડર્સને દિશા-નિર્દેશ આપ્યા છે કે 1 નવેમ્બરથી કૉલર નેમ પ્રિઝેન્ટેશન (CNAP) રજૂ કરવું પડશે. CNAP વાસ્તવમાં ભારતનું વેરિફાઈડ કૉલર સિસ્ટમ છે, જેની મદદથી કૉલરનો નંબર અને નામ બતાવી શકાશે.

આ સ્થિતિમાં જો કોઈ શખ્સ અજાણ્યા નંબરથી બીજા કોઈ શખ્સને કૉલ કરે છે, તો કૉલ રિસીવ કરનારની ફોનબુકમાં તેનું નામ સેવ નથી તો ફોન પર તે નામ દેખાશે, જેના નામે સિમ કાર્ડ જારી કરવામાં આવ્યું છે.

DoTના ઓર્ડર પ્રમાણે CNAP સર્વિસ તે તમામ લોકો માટે અનેબલ કરવાનું કહ્યું છે, જે 4G જનરેશનથી ઉપરની સર્વિસનો ઉપયોગ કરે છે. જ્યારે 2G અને 3G સર્વિસ યૂઝર્સ માટે CNAP સર્વિસ રોલઆઉટ કરવામાં આવશે, જેના માટે અલગથી જાહેરાત કરવામાં આવશે.

કૉલર ID સર્વિસ કેવી રીતે કામ કરે છે?

DoTના ઓર્ડર પ્રમાણે જ્યારે પણ કોઈ શખ્સને સ્માર્ટફોન પર કૉલ રિસીવ થશે, તો સ્માર્ટફોન ડિસ્પ્લે પર સૌથી ઉપર કૉલર નંબર દેખાશે, તેની નીચે કૉલર કૉન્ટેક્ટ્સ બુકમાં સેવ નામ દેખાશે. જો કોન્ટેક્ટ્સ બુકમાં નંબર નામ સાથે સેવ નથી તો નીચેની તરફ તે નામ દેખાશે, જે ટેલિકોમ સર્વર પર સેવ છે.

ઈન્ટરનેશનલ કોલ્સની પણ આપશે જાણકારી

ઈન્ટરનેશનલ કૉલ્સ થવા પર CNAP હેઠળ કૉલર નંબરની સાથે ઈન્ટરનેશનલ કૉલ દેખાશે. આ સ્થિતિમાં તમામ ટેલિકોમ કંપનીઓએ ડેટાબેઝ તૈયાર કરવો પડશે. હાલમાં આ સર્વિસનું ટેસ્ટિંગ થઈ રહ્યું હતું અને આગામી દિવસોમાં તેને લાગુ કરી દેવામાં આવશે.

ભારતીય નાગરિકોને સાયબર ઠગથી બચાવવાનો પ્રયાસ

DoT નવા નિયમની મદદથી સાયબર ક્રાઈમ અને કૉલ કરીને થતી ઠગાઈને રોકવા માંગે છે. આ માટે તે સાવચેતી રૂપે તમામ જરૂરી પગલાં ઉઠાવી રહ્યું છે અને લોકોને પણ જાગૃત કરવામાં મદદ કરી રહ્યું છે.