iPhone 18 લોન્ચ થતાં ગ્રાહકોની આશા પર પાણી: iPhone 17 સસ્તો થવાને બદલે મોંઘો થયો; જાણો નવો ભાવ

Apple Hikes iPhone 17 Prices By Over 20 Percent In India: એપલે પોતાની નવી iPhone 18 સીરિઝ અને પ્રથમ ફોલ્ડેબલ 'iPhone Duo'ના લોન્ચિંગ બાદ ભારતીય બજારમાં મોટો ઝટકો આપ્યો છે. કંપનીએ ભારતમાં iPhone 17 અને iPhone Airની કિંમતોમાં 20%થી વધુનો તોતિંગ વધારો ઝીંકી દીધો છે. આ સાથે જ પ્રીમિયમ સેગમેન્ટમાં જગ્યા બનાવવા માટે એપલે પોતાના જૂના iPhone 17 Pro અને iPhone 17 Pro Max મોડલ્સને સત્તાવાર રીતે બંધ કરી દીધા છે.

સામાન્ય રીતે નવા આઇફોન લોન્ચ થયા બાદ જૂના મોડલ્સ સસ્તા થતા હોય છે, પરંતુ વૈશ્વિક સ્તરે મેમરી ચિપની અછતના કારણે એન્ડ્રોઇડ બ્રાન્ડ્સની જેમ એપલે પણ જૂના વેરિઅન્ટ્સના ભાવમાં મોટો વધારો કર્યો છે.

iPhone 17 અને iPhone Airની કિંમતોમાં કેટલો વધારો થયો?

• iPhone 17: ₹82,900ની પ્રારંભિક કિંમતે લોન્ચ થયેલો આ ફોન હવે ₹99,900માં મળશે. કિંમતમાં સીધો ₹17,000નો જંગી વધારો થયો છે.
• iPhone Air: અગાઉ ₹1,19,900માં મળતો અલ્ટ્રા-સ્લિમ iPhone Air હવે ₹1,49,900નો થઈ ગયો છે, જેમાં સીધો ₹30,000નો વધારો નોંધાયો છે.

iPhone 18 બેઝ મોડેલ ન આવતાં iPhone 17ની માંગ વધશે

નવા સીઈઓ જોન ટર્નસના નેતૃત્વ હેઠળ 9 સપ્ટેમ્બરે યોજાયેલી 'Surprise and Shine' ઇવેન્ટમાં એપલે માત્ર iPhone 18 Pro સીરિઝ અને iPhone Duo જ લોન્ચ કર્યા છે, જ્યારે સ્ટાન્ડર્ડ iPhone 18 બેઝ મોડેલ કે iPhone Airના નેક્સ્ટ જનરેશન મોડલની જાહેરાત કરી નથી. વિશ્લેષકોના મતે, આ બંને મોડલ્સ હવે વર્ષ 2027ના મધ્યમાં લોન્ચ થઈ શકે છે.

એક રિપોર્ટ મુજબ, iPhone 17 સીરિઝે પ્રથમ વર્ષમાં જ વૈશ્વિક સ્તરે $170 બિલિયનથી વધુની કમાણી કરાવી હતી અને તે વિશ્વમાં એપલનો બેસ્ટ-સેલિંગ સ્માર્ટફોન રહ્યો છે. નવા બેઝ મોડલની ગેરહાજરીમાં હવે મોટાભાગના નવા ખરીદદારો કે અપગ્રેડ કરવા ઇચ્છતા ગ્રાહકો મોંઘા ભાવે પણ iPhone 17 તરફ જ વળશે.

ભારત અને અમેરિકાની કિંમતો વચ્ચે મોટો તફાવત

ભારતમાં એપલ ડિવાઇસીસ પર ઊંચા ટેક્સ માળખાના કારણે અમેરિકાની સરખામણીએ કિંમતો ઘણી વધારે રાખવામાં આવી છે:

ગયા વર્ષે iPhone 17 Pro ₹1,34,900 અને iPhone 17 Pro Max ₹1,49,900માં લોન્ચ થયા હતા, જ્યારે નવી 18 Pro સીરિઝના ભાવમાં આ વખતે લગભગ ₹30,000નો વધારો થયો છે.