Elon Muskના Grokની લોકપ્રિયતામાં મોટો ઘટાડો, ડાઉનલોડ્સ 20 મિલિયનથી ઘટીને 8.3 મિલિયન

Grok Lost Users in Download: Elon Musk દ્વારા લોન્ચ કરાયેલ AI ચેટબોટ Grok શરૂઆતમાં ભારે ચર્ચામાં રહ્યો હતો, પરંતુ હવે તેની લોકપ્રિયતા ઝડપથી ઘટતી જોવા મળી રહી છે. વિવાદાસ્પદ ફીચર્સ અને વાયરલ ચર્ચાઓના કારણે શરૂઆતમાં Grokને મોટી સફળતા મળી હતી, પરંતુ થોડા જ મહિનાઓમાં તેની ડાઉનલોડ સંખ્યામાં ભારે ઘટાડો નોંધાયો છે. જાન્યુઆરી 2026 દરમિયાન Grokના ડાઉનલોડ્સ 20 મિલિયનથી પણ વધારે રહ્યા હતા, જ્યારે એપ્રિલ 2026 સુધીમાં આ આંકડો ઘટીને માત્ર 8.3 મિલિયન પર પહોંચી ગયો છે. આ ઘટાડો દર્શાવે છે કે શરૂઆતની ઉત્સુકતા બાદ યુઝર્સ હવે અન્ય AI પ્લેટફોર્મ્સ તરફ વળી રહ્યા છે.

વિવાદાસ્પદ ફીચર્સથી વધ્યો વિરોધ

Grokના કેટલાક સ્પષ્ટ અને વિવાદાસ્પદ ફીચર્સને કારણે અમેરિકાના નેતાઓ અને બાળ સુરક્ષા સંગઠનોએ તેનો વિરોધ કર્યો હતો. ખાસ કરીને બાળકો અને યુવા વપરાશકર્તાઓ માટે આવા ફીચર્સ જોખમી બની શકે તેવી ચિંતાઓ વ્યક્ત કરવામાં આવી હતી. વધતા દબાણ બાદ ઘણા દેશોએ Grokના કેટલાક ટૂલ્સ પર પ્રતિબંધ મૂક્યો અથવા તેના ઉપયોગને મર્યાદિત કર્યો છે. આ પગલાંઓ બાદ xAIને પણ પોતાના પ્લેટફોર્મ પર એક્સેસ ઘટાડવો પડ્યો, જેના કારણે Grokના ડાઉનલોડ્સ વધુ ધીમા થઈ ગયા હતા.

ChatGPT કરતાં Grok ઘણું પાછળ

2026ના બીજા ક્વાર્ટરમાં અમેરિકાના AI યુઝર્સમાંથી માત્ર 0.174 ટકા લોકોએ જ xAIની સબસ્ક્રીપ્શન સેવા લીધી હતી. તેની સરખામણીએ OpenAIના ChatGPTની સબસ્ક્રીપ્શન દર 6 ટકાથી પણ વધુ રહ્યો હતો. આ આંકડા દર્શાવે છે કે માર્કેટમાં સ્પર્ધા ખૂબ વધી ગઈ છે અને Grok હજુ સુધી મોટા પ્રમાણમાં યુઝર્સને લાંબા સમય સુધી જાળવી રાખવામાં સફળ રહ્યું નથી.

બિઝનેસ સેક્ટરમાં પણ વિશ્વાસ ઘટ્યો

કોર્પોરેટ દુનિયામાં પણ Grok માટે સ્થિતિ અનુકૂળ નથી. અહેવાલો મુજબ માત્ર 7 ટકા કંપનીઓએ જ ભવિષ્યમાં Grokનો ઉપયોગ ચાલુ રાખવાની યોજના દર્શાવી છે. બીજી તરફ Anthropicનું Claude અને Googleનું Gemini ઝડપથી લોકપ્રિય બની રહ્યા છે.

આ પણ વાંચો: ગૂગલે વિશ્વનો પહેલો AI દ્વારા બનાવાયેલ ઝીરો-ડે સાયબર હુમલો રોક્યો, જાણો કેવી રીતે ઉપયોગ કરવામાં આવી હતી એડવાન્સ ટેક્નોલોજી

AI રેસમાં બદલાતો સમય

આ સમગ્ર પરિસ્થિતિ વચ્ચે વધુ એક રસપ્રદ બાબત સામે આવી છે. SpaceX હવે Anthropicને કમ્પ્યુટિંગ પાવર ઉપલબ્ધ કરાવી રહી છે. ખાસ વાત એ છે કે Musk અગાઉ Anthropicની ટીકા કરી ચૂક્યા છે. હવે તેમની જ કંપની દ્વારા સહયોગ મળવો એ AI ઉદ્યોગમાં ઝડપથી બદલાતી સ્પર્ધા અને ગઠબંધનોનું મોટું ઉદાહરણ માનવામાં આવી રહ્યું છે. AI ક્ષેત્રમાં વધી રહેલી સ્પર્ધા વચ્ચે Grok માટે આગળનો રસ્તો પડકારજનક બની રહ્યો છે. હવે જોવાનું રહેશે કે xAI ફરીથી યુઝર્સનો વિશ્વાસ જીતવા માટે કયા નવા પગલાં ભરે છે.