For Real Time Updates and Better ExperienceDownload the app Now!
Download the app Now!

ઇલેક્ટ્રિસિટીથી ઉડતી એર ટેક્સી

Updated: Aug 7th, 2021


અત્યારે ભારતમાં અને વિશ્વમાં બીજે બધે ઇલેક્ટ્રિસિટીથી ચાલતાં વાહનોનો પ્રસાર ધીમી પણ મક્કમ ગતિએ વધી રહ્યો છે ત્યારે વિમાન ઉદ્યોગમાં પણ ઇલેક્ટ્રિસિટીના ઉપયોગનું ચલણ વધે તેવી શક્યતા છે. જોબી એવિએશન નામની એક કંપનીએ હેલિકોપ્ટર અને ડ્રોનની કક્ષામાં આવે એ પ્રકારનું એક હવાઈ જહાજ વિકસાવ્યું છે. જેને ઇવીટોલ (ઇલેક્ટ્રિક્લ વ્હિકલ ટેકઓફ એન્ડ લેન્ડિંગ) નામ અપાયું છે.

આ એરક્રાફ્ટ રન-વે પર દોડ્યા વિના સીધે સીધું ઉડાન ભરી શકે છે. હવામાં તે સ્થિર પણ રહી શકે છે. આ એરક્રાફ્ટની વિશેષતા એ છે કે તે અન્ય કોઈ પણ પ્રકારના ઇંધણને બદલે માત્ર ઇલેક્ટ્રિસિટી પર ચાલે છે. આ પ્રકારના એરક્રાફ્ટે હમણાં ૧૫૦ માઇલની સિંગલ ફ્લાઇટ કરી બતાવી. આ પ્રકારનાં એરક્રાફ્ટ ભવિષ્યમાં નાની ઇલેક્ટ્રિક એર ટેકસીનું સ્વરૂપ લે તો નવાઈ નહીં!

Gujarat