ઘરમાં દર્પણનું સ્થાન ક્યાં..

ભારતના પ્રાચીન શાસ્ત્રમાંથી એક છે વાસ્તુ શાસ્ત્રો અને આજે પણ આપણે ત્યાં અને ઘણું વધુ મહત્વ આપવામાં આવે છે. વાસ્તુના નિયમોનું પાલન લગભગ દરેક ઘરોમાં થતું હોય છે. તેમજ જ્યારે પણ કોઇ વ્યક્તિ પોતાનું ઘર બનાવે છે, અથવા તો નવું ઘર ખરીદે છે તો વાસ્તુનું વિશેષ ધ્યાન રાખે છે. કારણ કે એવું કહેવામાં આવે છે કે, જે ઘરનું વાસ્તુ સારું હોય છે ત્યાં હંમેશા સકારાત્મક ઉર્જા રહે છે અને જે ઘરમાં વાસ્તુ ખરાબ હોય છે ત્યાં નકારાત્મક ઉર્જા આવી જાય છે, આ સકારાત્મક અને નકારાત્મક ઉર્જાને કારણે જ ઘરમાં સુખ અને દુ:ખનું આવવાનું થતું રહે છે, એટલે જ તો દરેક વ્યક્તિ વાસ્તુને ગંભીરતાથી લે છે.
આટલી સાવચેતી રાખવા છતાં પણ ઘણી વખત લોકોથી ભૂલ થઈ જાય છે. ખાસ કરીને લોકો પોતાનું ઘર બનાવતી વખતે કે ખરીદતી વખતે તો વાસ્તુના નિયમનું પાલન કરી લે છે, પરંતુ જ્યારે ઘરની અંદર સામાન રાખવાનો સમય આવે છે, તો ત્યાં વાસ્તુનું ધ્યાન નથી રાખતા. આ ભૂલ લગભગ ઘણા એવા લોકો કરે છે, જેને લઈને તેમને તેની સજા પણ ભોગવવી પડે છે.
વાસ્તુ શાસ્ત્ર અનુસાર ઘરની તમામ વસ્તુને યોગ્ય સ્થાન ઉપર રાખવા માટે ઘણી બધી વાસ્તુ ટીપ્સ છે. પરંતુ આજે આપણે ઘરમાં અરીસો ક્યાં અને કેવી રીતે રાખવો જોઈએ તેના વિષે જાણીશું અને અરીસો એક એવી વસ્તુ છે, જે તમને લગભગ દરેકના ઘરમાં હોય છે. આ અરીસાની પણ ઘરના વાસ્તુ ઉપર ઊંડી અસર થાય છે. તો આવો જાણીએ ઘરમાં અરીસાની વાસ્તુ ટીપ્સ.
ઘરમાં ભૂલથી પણ ન રાખવો તૂટેલો અરીસો : ઘરના સારા વાસ્તુ માટે ધ્યાન રાખવા જેવી એક વાત એ છે કે, તમારે તમારા ઘરમાં ભૂલથી પણ તૂટેલો એવો અરીસો ન રાખવો જોઈએ. ઘણા લોકો અરીસામાં તિરાડ પડી ગયા પછી પણ તેનો ઉપયોગ કરતા રહે છે અને ઘણા તેને ફેંકી દેવાને બદલે સ્ટોર રૂમમાં રાખી દે છે. આ બન્ને વસ્તુ વાસ્તુના હિસાબે અશુભ હોય છે.
જાણકારી માટે જણાવી દઈએ કે, ઘરમાં તૂટેલો અરીસો રાખવો એટલે કોઈ મોટી મુશ્કેલીને આમંત્રણ આપવું. તેનાથી ઘરમાં લડાઈ ઝગડાનું પ્રમાણ વધે છે અને ગરીબી પણ આવે છે. સાથે જ કુટુંબના સભ્યોના આરોગ્ય ઉપર પણ તેની અસર પડે છે. એક તૂટેલો અરીસો ઘરમાં સૌથી વધુ નકારાત્મક ઉર્જા ઉત્પન કરે છે અને એની બધી નકારાત્મક અસર તમારે જ સહન કરવી પડે છે. એટલા માટે ઘરમાં તૂટેલો અરીસો રાખવાથી બચો.
ઘરમાં આ દિશામાં અરીસો લગાવવાનો હોય છે સૌથી મોટું અપશુકન : જેમ ઘરના દરવાજાની દિશા, ઓરડાની દિશા, બાથરૂમ અને રસોડાની દિશા વગેરે વાસ્તુ પર આધાર રાખે છે, તેમ જ તમારા ઘરમાં કયા ખૂણામાં કે દિશામાં તમે અરીસો લગાવો છો, તેની પણ વાસ્તુ ઉપર ઘણી અસર પડે છે. તમારે તમારા ઘરની દક્ષિણ દિશામાં ભૂલથી પણ અરીસો ન લગાવવો જોઈએ.
વાસ્તુ મુજબ દક્ષિણ દિશામાં સૌથી વધુ નકારાત્મક ઉર્જા રહે છે. તેવામાં તે દિશામાં અરીસો લગાવીને તમારું પ્રતિબિંબ જોવાથી તમારી અંદર પણ નકારાત્મક ઉર્જા ઉત્પન થાય છે અને એના પરિણામ સ્વરૂપ તમારો સ્વભાવ બદલાઈ જાય છે, તમે વધુ ગુસ્સો કરવા લાગો છો અને ઘરમાં લડાઈ ઝગડા પણ વધુ થાય છે. બસ આ કારણ છે કે તમારે દક્ષિણ દિશામાં અરીસો લગાવવાથી દુર રહેવું જોઈએ. આ દિશા સિવાય તમે કોઈપણ દિશામાં તેને લગાવી શકો છો.