અજમાવી જૂઓ

હુંફાળા પાણીમાં લીંબુનો રસ તેમજ મીઠું ભેળવી કોગળા કરવાથી ગળાની સામાન્ય તકલીફ હોય તો તે દૂર થાય છે.

• ક્રોકરી ધોતી વખતે સિંક અથવા ટબમાં પહેલા ટુવાલ પાથરી દેવો. જેથી કાચના વાસણો તૂટવાનો ભય રહે નહીં.
• અગરબત્તી પ્રગટાવ્યા પહેલાં થોડી ભીની કરવાથી તે વધુ ખુશબુ આપશે તેમજ લાંબો સમય ચાલશે.
• ઘી કે તેલનો દીવો પ્રગટાવતી વખતે તેમાં એક ટીપું પરફ્યૂમ નાખવાથી ઘર મઘમઘમી ઊઠશે.
• વધેલા ભાતમાં વાટેલા આદુ-મરચાં, ઝીણો સમારેલો કાંદો, લસણ તથા થોડો ચણાનો લોટ ભેળવી તવા પર સ્વાદિષ્ટ પેટિસ ઉતારવી. આમા તમે ઝીણી સમારેલી મેથીની ભાજી પણ નાખી શકો છો.
• દસ ગ્રામ જેટલો ચણાનો લોટ અને દસ ગ્રામ જેટલી હળદર દહીંમાં ભેળવી ચહેરા પર માલિશ કરવું. સુકાઇ ગયા બાદ ચહેરો ધોઇ નાખવો. ખીલમાં રાહત થશે.
• દસ ગ્રામ જેટલો ચણાનો લોટ અને દસ ગ્રામ જેટલી હળદર દહીંમાં ભેળવી ચહેરા પર માલિશ કરવું. સુકાઇ ગયા બાદ ચહેરો ધોઇ નાખવો. ખીલમાં રાહત થશે.
• ભોજન બાદ વરિયાળી ચાવવાથી મુખ દુર્ગંધ દૂર થાય છે.
• મીનાક્ષી તિવારી