સ્વાદિષ્ટ રસોઈ બનાવવાની કળા

ભાતને સુગંધીદાર બનાવવા માટે ભાત રંધાતા હોય ત્યારે તેમાં તજનો ટુકડો નાખી દેવો.

દૂધીના સૂપમાં થોડો ફુદીનો અને જીરૂ નાખવાથી સ્વાદ વધુ સારો થાય છે.

દાળ ચડતી ન હોય તો તેને એક કલાક માટે હુંફાળા પાણીમાં પલાળીને પછી બાફવી.

નારિયેળની ચટણીમાં આમલી ઉમેરવાથી સ્વાદિષ્ટ લાગે છે.

સરસવનું શાક બનાવતી વખતે તેમાં કાચો મૂળો નાખવાથી સ્વાદ સારો થાય છે.

ઇડલી-ઢોસાનું ખીરુ ખાટું થઇ ગયું હોય તો તેમાં નારિયેળનું દૂધ ઉમેરવું ખટાશ દૂર થાશે.

બટાકાના માવામાં બ્રેડ સ્લાઇસને વાટીને નાખવાથી માવો ઘટ્ટ રહે છે.

પાલકને ઉકાળત ીવખતે તેમાં સાકર નાખવાથી રંગ લીલોછમ રહે છે.

કોઇ પણ વાનગીમાં સાકર ઓછી લાગતી હોય આખી સાકરને બદલે દળેલી સાકર ઉમેરવી.

ગ્રેવી બનાવતી વખતે તેમાં લસણની માત્રા વધુ અને આદુની માત્રા ઓછી હોવી જોઇએ.

આલુ પરાઠાના લોટમાં ચોખાનો લોટ ઉમેરવાથી પરાઠા ફુલેલા અને ક્રિસ્પી થાય છે.

શાક કરમાઇ ગયા હોય તો તેનેપાણીમાં થોડી વાર માટે રાખવા.

લસ્સી બનાવતી વખતે તેમાં પાણીના સ્થાને દૂધ ઉમેરવાથી વધુ ઘટ્ટ અન ેસ્વાદિષ્ટ થાય છ.ે

રવાની ઇડલીને સોફ્ટ કરવા માટે ખીરામાં ઇનો ઉમેરવાથી મુલાયમ અને સ્પંજી બનશે.

બટાકા પૌંઆ બનાવતી વખતે પૌંઆ ધોયા પછી તેમાં લીંબુ નીચોવી દેવાથી સ્વાદ વધુ સારો થાય છે અને પૌંઆ ખીલેલા રહે છે તૂટી જતા નથી.

સુકા શાકને વધુ સ્વાદિષ્ટ કરવા તેમાં કરકરો સીંગદાણાનો ભુક્કો ઉમેરવો.

પકોડાને ક્રિસ્પી બનાવવા માટે તેમાં આરાલોટઅને બે ચમચી તેલનું મોણ નાખવું.

સાદા પરોઠાને ક્રિસ્પી બનાવવા માટે એક બાફેલું બટાકુ છૂંદીને નાખવું.

પરાઠાને બટરમાં શેકવાથી વધુ સ્વાદિષ્ટ અને સ્ક્રિપી લાગે છે.

કાંદા સાંતળતી વખતે તેમાં થોડી સાકર અથવા બેકિંગ સોડા ઉમેરવો.

ગ્રેવી માટે કાંદા સાંતળતી વખતે તેમાં અડધી ચમચી સાકર ઉમેરવાથી ગ્રેવીનો સ્વાદ અને કલર વધશે.

રિચ અને ક્રિમી ગ્રેવી બનાવવા માટે કાંદા, લસણ. ટામેટા, આદુ અને કાજુના ટુકડાઓને પાંચ-સાત મિનીટ સુધી પાણીમાં ઉકાળવા. ટામેટાની છાલ ઉતારી સઘળી સામગ્રી સાથે વાટી લેવી.

ઇન્સટન્ટ ચીપ્સ બનાવવા માટે બટાકાની ચીરીઓને હરફના પાણીમાં થોડી વાર પલાળી રાખીને પછી તળવી.

ગોળની ચાસણી બનાવતી વખતે તેમાં થોડું ઘી ઉમેરવાથી ચાસણી વાસણમાં ચોટશે નહીં.

સમારેલા ટામેટા પર તેલ લગાડીને રાખવાથી તે સુકા નથી થઇ જતા.

શાકમાં ટામેટા નાખ્યા પછી તેમાં થોડુ મીઠું ઉમેરવાથી ટામેટા જલદી ગળી જશે.

પાલકને બાફી તરત જ ઠંડા પાણીમાં રાખવાથી પાલક લીલીછમ રહેશે.

રાયતાનો સ્વાદ વધારવા હીંગ અને જીરાનો વઘાર કરવાથી સ્વાદ અને સોડમ બન્ને વધશે.

ખમણા ઢોકળા બનાવતી વખતે તેમાં થોડો રવો ભેળવવાથી ઢોકળા સારા થશે.

ભટુરાનો લોટ બાંધતી વખતે તેમાં ૨ વ્હાઇટ બ્રેડને મિક્સરમાં પીસીને નાખવાથી ભટૂરા ફૂલેલા બનશે.

મીનાક્ષી