પૈસા હાથનો મેલ છે, તો પગનો મેલ શું છે?

સ્કવેર કટ-અધીર અમદાવાદી
= પૈસા હાથનો મેલ છે, તો પગનો મેલ શું છે?

નંદલાલ પુરોહિત, રાજુલા

વિનોદભાઈ બી. પરમાર, સુરત

બીજાની સાસુને.
= મિડિયા પાસે દાઉદનો એક જ ફોટોગ્રાફ છે, વરસોથી તે વૃધ્ધ થતો જ નથી?

હરેશ લાલવાણી, અમદાવાદ

ફોટો વૃદ્ધ ન થાય, ડિજિટલ હશે.
= આ મોંઘવારીમાં કરકસર કેવી રીતે કરાય?

અલ્પેશ શાહ, મુંબઈ

પરસેવામાંથી મીઠું પકવીને.
= ગુજરાતી ગૃહિણીનું સૌથી મોટું 'કન્ફ્યુઝન' કયું છે?

લલિત આઈ. દોશી, કરજણ

બળી ગયેલ શાકને ખપાવવું કઈ રીતે?
= તમે પોલિટિકલ પ્રશ્નના જવાબ આપો છો? મારે પૂછવા છે.

અજય જોશી, નાસિક

એ કોમેડી ડાયરેક્ટ ટીવી/ સોશિયલ મીડિયા પર જોઈ લેવી.
= એક વર્ષ માટે સોનું ન ખરીદવાની વડાપ્રધાનની અપીલને કેટલો ટેકો કરવો?

મીતેષ શાહ, વડોદરા

અરે, આ તો ભાવતું'તુ ને મોદીજીએ કીધું છે.
= રાજ્યમાં રાજ્યપાલ હોય તેમ રાષ્ટ્રમાં રાષ્ટ્રપાલ શબ્દ કેમ નહીં?

મુકેશ પડસાળા, અમદાવાદ

તમે મુકેશ છો પણ ચોરવાડના નથી, એવું એ તો.
= સમોસા ત્રિકોણ, પૂરી ગોળ અને પાંવ ચોરસ કેમ હોય છે?

શશિકાંત જી.દેસલે, સનિયા કનદે, સુરત

તમે મમ મમથી કામ રાખો શેપ શેપથી નહીં.
= તમે બધા સવાલના જવાબ કઈ રીતે આપો?

ઉત્સવ સુતરિયા, સુરત

ટાઈપ કરીને.
= અજાણી રૂપસુંદરીને બાઈક પર બે કિમી. બેસાડયા પછી ખબર પડે કે આ તો ડાકણ છે, પછી?

કનુભાઈ પરમાર, દામનગર

ખોટી બ્રેકો મારવાનું તાત્કાલિક બંધ કરવું.
= તમને નથી લાગતું કે આ બધા છાપામાં નામ આવે એટલે જ ફાલતું પ્રશ્નો મોકલતા હશે?

જીયા માલીવાડ, ગાંધીનગર

લો બસ તમારું પણ છપાયું.
= લગ્ન પછી માણસના જીવનમાં શું બદલાય છે?

મીનાબેન આર. રાઠોડ, કરજણ

પંખાની સ્પીડ.
= બાહોશ કોને કહેવાય?

સુરેશભાઈ શાહ, ભરૂચ

બાને ભાન આવે તેને.
= હાથના કર્યા હૈયે વાગે તો પગના કર્યા ક્યાં વાગે?

હિતેન્દ્ર પંચાલ, છોટા ઉદેપુર

ગબડો તો ડાચે.
= રેલગાડીના કોચને 'ડબ્બો' શું કામ કહેતા હશે?

રોહિત દરજી 'કર્મ', હિમ્મતનગર

કોચ હોંશિયાર નહીં હોય.
= એક મિત્રએ મેરેજ બ્યુરોમાં ભૂલથી આધારકાર્ડવાળો ફોટો મોકલી દીધો છે, શું કરવું?

નીરવ વ્યાસ, અમદાવાદ

'કુંવારાઓનો વૈભવ' પુસ્તક મિત્રને ભેટ આપો.
= પત્ની સિંગાપુર જવાની જીદ્દ કરે છે, પણ સાંતલપુર જવાના પૈસા નથી કોઈ ઉપાય?

મુકેશ શાહ, સુરત

સિંગા'પુર' જઈને શું કરશો?
= પોપટ પોતાનું ભવિષ્ય કેમ જોઈ શકતો નથી?

ઘનશ્યામ એચ. ભરુચા, વિરાર

પોપટ પાસે જ્યોતિષીને ફી આપવા રૂપિયા નહીં હોય.
= વખારને અંગ્રેજીમાં ગો-ડાઉન કહે છે, ગો-અપ કેમ નહીં?

નીરવ રામી, વડોદરા

કારણ કે ગોડાઉન એ 'ડાઉન ટુ અર્થ' હોય છે.
= જેનું નામ આનંદ હોય એમણે? આનંદ લેવા માટે શું કરવાનું?

ચિરાગકુમાર કે. પંચાલ, મધવાસ, તા-લુણાવાડા

આનંદી કાગડાની વાર્તા વાંચવી.