યાદ રાખવુ સારું કે ભૂલી જાવું સારું?

સ્કવેર કટ-અધીર અમદાવાદી

= યાદ રાખવુ સારું કે ભૂલી જાવું સારું?

• ધીરજ રબારી, ડેર (પાટણ)
• પત્નીએ ચીંધેલું કામ યાદ રાખવું, બાકી બધુ ભૂલી જવાય.
  = પ્રેમ કરીને પસ્તાવું કે પ્રેમ કર્યા વગર?
• ચેતનકુમાર ત્રિવેદી, અમદાવાદ
• બંને. જિંદગી બડી હોની ચાહીએ ચેતનબાબુ.
  = એક ગુજરાતી માટે 'પરફેક્ટ ગપ્પા' મારવા માટેની શ્રેષ્ઠ જગ્યા કઈ છે?
• લલિત આઈ. દોશી, કરજણ
• જેનું ઇન્ક્રીમેન્ટ આપણાં હાથમાં હોય એની સામે.
  = શું આટલી બધી ગરમી વાઇફાઇના હોટસ્પોટને કારણે હશે? - હેમંત દવે, અમદાવાદ
• ના અમારા તેજને કારણે.
  = બાથરૂમમાં ગયા બાદ ઘણાંનો જીવ બેચેન કેમ થઈ જાય છે?
• નરેશભાઈ પરમાર, ભરૂચ
• તમને કઈ રીતે ખબર?
  = પત્ની પિયરથી આવી છે ત્યારથી નખરાં કરે છે તો શું કરવું?
• મહાસુખ દરજી, અમદાવાદ
• એને રિમોટ આપી દો, ફૂટબોલમાં તો તમે ફેન્સને જ જુઓ છો ને?
  = પત્ની આપણાં પ્રધાનમંત્રી આપણને (પ્રજાને) જોઈને શું વિચારતા હશે?
• પટેલ સૌરભ હિતેન્દ્રભાઈ, નાના ચિલોડા (અમદાવાદ)
• અમિતભાઈને પૂછીને કહું.
  = તમે આપેલા જવાબોની પાછળનું રહસ્ય શું? ઘરના સુખી કે દુખી?
• નાગેસ ઓડેદરા, રાજકોટ
• પરણેલાને પૂછશો મા.
  = જગત જમાદાર ઉપર કોઈ વિશ્વાસ કરે ખરો?
• અમરત સોલંકી, બોટાદ
• તે અમથો બબ્બે વાર ચૂંટાયો હશે?
  = અશાંતિ એટલે?
• અમરીશ મહેતા, વિજાપુર
• પોલીસનો અભાવ.
  = પત્નીની બોલતી બંધ કરવા શું કરવું?
• પ્રકાશ ગાંધી, અમદાવાદ
• પાણીપૂરીની લારી પર લઈ જાવ.
  = કોઈનામાં બુદ્ધિ ઓછી છે એવું કઈ રીતે જાણી શકાય?
• જયેશ પટેલ, ઊંઝા
• ઢાંકણું ખૂલે ત્યારે જોઈ લેવાનું. મોંઢાનું.
  = સારો ડોક્ટર કોને કહેવાય?
• વિપુલાબેન પી. મકવાણા, રાજકોટ
• જેણે લખેલી ગોળી કોઈપણ મેડિકલ સ્ટોર પર મળે એ.
  = આજકાલ ચોટલા દેખાતા નથી, ચોટલાઓ ક્યાં ગયા?
• જીગ્નેશ મોદી, વિસનગર
• જ્યાં ઓટલા ગયા ત્યાં.
  = સુખી લગ્નજીવન કેવું હોય?
• સુરેશ ઝવેરી, અમદાવાદ
• એની હામાં હા અને નામાં ના.
  = પરીક્ષામાં અચાનક પેપર ફૂટવાનો શોરબકોર સંભળાય તો શું કરવું?
• યશપાલસિંહ ટી. વાઘેલા, થરા
• કાપલીઓ નકામી જવાનો સંતાપ.
  = વાંદરો ઘરડો થાય તોયે ગુલાંટ મારવાનું કેમ ભુલતો નથી?
• ચિરાગ પંચાલ, મધવાસ (લુણાવાડા)
• જાંબુ ખાવાથી મગજ સારું રહેતું હશે.
  = ધાબામાં મુકેલ છુંદો વાંદરા ખાઈ જાય છે, શું કરાય?
• ભાવના સુતરિયા, માંડવી
• અફસોસ.
  = પંખા અને ઘાણીના બળદમાં વચ્ચે શો તફાવત છે?
• તપન પટેલ, ગાંધીનગર
• જે પંખા અને નોકરિયાતમાં હોય એ.
  = રિક્ષાભાડા તો વધ્યા અધીરભાઈ ….
• મેઘલ શાહ, અમદાવાદ
• હવે ચાલતાં જવામાં વધુ રૂપિયા બચશે. ખુશ થાવ.