હું રોજ બગાસાં ખાઊ છું પણ ક્યારેય મારા મોઢામા પતાસુ આવતું નથી

નંદલાલ પુરોહિત, રાજુલા

એના માટે આજુબાજુમાં પતાસાની કેચમકેચી ચાલવી જરૂરી છે.
= સ્ક્વેર કટના જવાબ તમે આપો છો, કે પછી એઆઈ આપે છે?

નીરવ ધામેચા, ધ્રાંગધ્રા

એઆઈ મારી પાસેથી જવાબો શીખે છે ભુરા.
= શું વાવાઝોડાની શરૂઆત 'કન્યા પધરાવો સાવધાન'થી થતી હોય છે?

કાનજીભાઈ ઓખાભાઈ વેણ, કુંભારડી વાવ-થરાદ

ના, સમુદ્રમાં લો પ્રેશરને કારણે થાય છે.
= તમને શું લાગે મારે રાજકારણમાં ઝંપલાવુ જોઈએ?

અરવિંદ ચૌહાણ, મોદજ

તમારા ઘરના વોટ મળે એવી ખાતરી હોય તો પડો.
= નીંદણ પાક બગાડે ને નિંદા?

રોહિત 'કર્મ', હિંમતનગર

આજે સવારની ચા નથી પીધી?
= તમારૃં નામ જ 'અધીર' છે કે ખરેખર અધીરા છો?

વિજયકુમાર મોદી, અમદાવાદ

એટલે તો ટૂંકા જવાબ આપું છું.
= 'પાપી પેટનો સવાલ છે', એમાં પેટને પાપી કેમ કીધું? એણે શું બગાડયું?

જય સોની, વડોદરા

બગાડ પેટમાં જ થાય ને, બીજે ક્યાં થાય?
= નવરાત્રિમાં રોજ રાત્રે ઉજાગરા કરવાથી કોણ મહેરબાન થાય?

મીતેષ શાહ, વડોદરા

લગ્નદેવતા.
= આટલા મોંઘા આઈફોન પાછળ આટલી હદે ગાંડપણ?

તૃપ્તિ ઠાકર, અમદાવાદ

લો ! સસ્તા ફોન પાછળ ગાંડપણ કેવું લાગે?
= ગંગાસ્નાન કરવાથી પાપ ધોવાઈને ક્યાં જાય છે?

જ્યોતિષ પાઠક, વડોદરા

હેઠળવાસમાં.
= પત્નીને ધર્મપત્ની કહેવાય તો સાળાને ધર્મશાળા કહેવાય?

ચેતનકુમાર ત્રિવેદી, અમદાવાદ

તમારે પણ 'સ' અને 'શ'માં લોચા પડે છે, ન્યૂઝરિડર્સની જેમ?
= સરળતાથી શાંતિની પ્રાપ્તિ ક્યાં થાય?

વિનોદભાઈ પરમાર, સુરત

ફાફડા-જલેબીની દુકાને.
= વાંઢા રહેવાના ફાયદા શું?

શૈલેષ જોગડિયા, ગુજરાત

તમારા દરેક કામમાં કોઈ વાંધાવચકા કાઢતું નથી.
= ગબ્બર સિંગ હોળીની રાહ જ કેમ જુએ છે, દિવાળીની નહીં?

અમૃત સોલંકી, બોટાદ

રામગઢમાં દિવાળી પર નાચગાન નહોતાં થતાં.
= તમારી 'સ્ક્વેર કટ' કૉલમમાં કોઈ કાર્ટૂન કેમ નથી રાખતાં?

શિવમ વિજયકુમાર યાજ્ઞિાક, રાજકોટ

અમારું નામ જ પૂરતું છે.
= છોડવાની ઈચ્છા થતી હોય તો શું છોડવું ઠીક રહેશે?

સુરેશભાઈ શાહ, ભરૂચ

બારમાસી વાવો. મહેનતે રોજ ફૂલ આવશે.
= મંકોડાભાઈ માટે મારે બુટ લેવા છે, ક્યાં સારા મળશે?

ચિરાગકુમાર કનૈયાલાલ પંચાલ, મધવાસ

જ્યાં કાનખજુરા માટે બુટ મળે છે તેની બાજુની જ દુકાનમાં.
= નકારાત્મક વિચારની શરૂઆત 'ન કરે નારાયણ ને..' વાકયથી થાય તો હકારાત્મક વિચારની?

મધુકર માંકડ, રાજકોટ

ધાર્યું ધણીનું થાય.
= સાસ-બહુ સિરિયલ્સ ક્યારે પૂરી થશે?

શ્રેયા પંડયા, અમદાવાદ

જ્યારે ઉલ્ટા ચશ્મામાં પોપટલાલના લગ્ન થશે.
= ગરબા ના આવડતા હોય તો શું કરવું?

મહાસુખ દરજી, અમદાવાદ

ચંપલ-મોબાઈલ-પર્સ સાચવવા.