લોકોને હવે ફરજીયાત પીએનજી કનેક્શન લેવા ફટકારાતી નોટિસો

રાજકોટ : ઈરાન અને અમેરિકા,ઈઝરાયેલ યુધ્ધના પગલે કોમર્શીયલ ગેસમાં અનેકવિધ નિયંત્રણો સાથે કાપ મુક્યા બાદ અને તેના ભાવની સાથે ઘરેલું રાંધણગેસના ભાવ પણ વધાર્યા બાદ હવે ગ્રાહકોને જે વિસ્તારમાં પાઈપલાઈન બીછાવાઈ ગઈ છે ત્યાં ફરજીયાત પી.એન.જી.કનેક્શન લેવા માટે નોટિસો ફટકારવાનું શરુ કરાયું છે.
સૂત્રોમાંથી મળતી માહિતી મૂજબ રાજકોટમાં અંદાજે ૪ લાખ ગેસ સિલિન્ડરના કનેક્શનો છે તે પૈકી ૧ લાખથી વધારે લોકોને મેસેજ વગેરે મારફત ફરજીયાત પી.એન.જી. અર્થાત્ પાઈપલાઈનથી આવતા રાંધણગેસનું કનેક્શન લેવા નોટિસો અપાઈ છે. અન્યત્ર પણ આ સિલસિલો શરુ કરાયો છે.
આ પહેલા કેવાયસી, ઓ.ટી.પી.ના નિયમો, પીએનજી કનેક્શન હોય તેમને એલ.પી.જી.ગેસ સિલિન્ડરની છૂટ બંધ કરવાનું પગલુ, ૧૫ દિવસને બદલે ૨૫ દિવસે જ ગેસનો બાટલો નોંધાવી શકાય તેવો નિયમ વગેરે અનેકવિધ નિયમોથી એલ.પી.જી.નો વપરાશ ઘટાડવા પગલા લેવાયા છે અને હવે જ્યાં પીએનજી લાઈન હોય ત્યાં ફરજીયાત એલ.પી.જી.કનેક્શન લેવા અને ન લેવાય તો રાંધણગેસ સિલિન્ડરનું વિતરણ બંધ કરવા ચિમકી અપાઈ છે.