સૌરાષ્ટ્રવાસીઓની માંગણી સ્વીકારાઈ: સૌરાષ્ટ્ર જનતા એક્સપ્રેસને મળ્યો વધારાનો સ્ટોપેજ, જાણો સમય

Saurashtra Janta Express Additional Halt Chorvad Road station : ગુજરાતમાં રેલવે પ્રવાસીઓની સુવિધા વધારવા માટે પશ્ચિમ રેલવેએ બાંદ્રા ટર્મિનસ-વેરાવળ સૌરાષ્ટ્ર જનતા એક્સપ્રેસને ચોરવાડ રોડ રેલવે સ્ટેશન પર વધારાનો હોલ્ટ આપવાની મંજૂરી આપી છે. આ નવો હોલ્ટ 21 ઓક્ટોબર, 2026થી અમલમાં આવશે. આ નિર્ણયથી ચોરવાડ રોડ અને આસપાસના વિસ્તારોમાંથી મુસાફરી કરતા પ્રવાસીઓને લાભ મળશે. રેલવેના સુધારેલા સમયપત્રક મુજબ, બાંદ્રા ટર્મિનસથી વેરાવળ જતી ટ્રેન નંબર 19217 સૌરાષ્ટ્ર જનતા એક્સપ્રેસ સવારે 5:49 વાગ્યે ચોરવાડ રોડ (CVR) સ્ટેશન પર પહોંચશે અને એક મિનિટના રોકાણ બાદ સવારે 5:50 વાગ્યે રવાના થશે. તેવી જ રીતે, વેરાવળથી બાંદ્રા ટર્મિનસ તરફ જતી ટ્રેન નંબર 19218 બપોરે 12:15 વાગ્યે ચોરવાડ રોડ સ્ટેશન પર પહોંચશે અને 12:16 વાગ્યે આગળની મુસાફરી શરૂ કરશે.

21 ઓક્ટોબરથી નવો હોલ્ટ લાગુ

સૌરાષ્ટ્ર જનતા એક્સપ્રેસને ચોરવાડ રોડ સ્ટેશન પર વધારાનો હોલ્ટ મળવાથી આ વિસ્તારના પ્રવાસીઓને ટ્રેનમાં જવાની વધુ સુવિધા મળશે. ખાસ કરીને બાંદ્રા ટર્મિનસ અને વેરાવળ વચ્ચે મુસાફરી કરતા લોકો માટે આ સ્ટોપેજ ઉપયોગી સાબિત થઈ શકે છે. રેલવેએ મુસાફરોને મુસાફરીનું આયોજન કરતાં પહેલાં સુધારેલા સમયપત્રકની નોંધ લેવા જણાવ્યું છે. 21 ઓક્ટોબરથી લાગુ થનારા નવા સમય મુજબ જ ચોરવાડ રોડ સ્ટેશન પર બંને દિશાની ટ્રેનોનું આગમન અને પ્રસ્થાન રહેશે.