વૈશ્વિક મંદીની હવા વચ્ચે શેરબજારમાં આઇટીના માંડવા હેઠળ તેજીનો રાસ

• TCS, HCL Tech, સહિત અન્ય IT શેર્સમાં ઉછાળો
• પ્રસંગપટ
• ઈન્ફોર્મેશન ટેકનોલોજી કંપનીઓના શેરોમાં ચાર સેશન દરમિયાન ૧૨% સુધીની રેલી જોવા મળી

ભારતની આઇટી કંપનીઓ પર એક તરફ એચ-વન-બી વિઝાની અમેરિકાની તલવાર લટકી રહી છે અને બીજી તરફ વૈશ્વિક મંદીનું ગ્રહણ લાગેલું હોવા છતાં ભારતનું શેરબજાર નવરાત્રિમાં તેજીના રાસ રમી રહ્યું છે. જેમ નવરાત્રિ શરૂઆતના દિવસોમાં બહુ રંગ પકડતી નથી, એમ શેરબજારમાં પણ નવરાત્રિની શરૂઆત મંદ રહી હતી, પરંતુ છેલ્લા ચાર દિવસ પર નજર કરીએ તો શેરબજારમાં રમાતા તેજીના રાસ અનેક રોકાણકારોને તેજીના સંકેત આપી રહ્યા છે.
જે ઇન્ફોર્મેશન ટેક્નોલોજી કંપનીઓના શેર્સને શંકાથી જોવામાં આવી રહ્યા હતા, તે દરેક આઇટી સ્ટોક્સ મજબૂત રીતે બાઉન્સ બેક થયા છે. છેલ્લા ચાર દિવસમાં નિફ્ટી આઇટી ઇન્ડેક્સ ૮% વધ્યો છે, જેણે આઇટી સેક્ટરના માર્કેટ કેપિટલાઇઝેશનમાં રૂ. ૮૨,૫૦૦ કરોડ ઉમેર્યા છે.
ટીસીએસ, એચસીએલટેક, ઇન્ફોસિસ અને વિપ્રો સહિતની ઇન્ફોર્મેશન ટેકનોલોજી કંપનીઓના શેરોમાં ચાર સેશન દરમિયાન ૧૨% સુધીની રેલી જોવા મળી છે. આ રિબાઉન્ડ એશિયન અને યુએસ માર્કેટ્સમાં એઆઈ-લિંક્ડ સ્ટોક્સમાં થયેલા સેલઓફ પછી આવ્યો છે. સતત ચાર દિવસથી શેરબજારમાં ઉછાળો જોવા મળી રહ્યો છે, તેમાં આઇટી શેરો મહત્ત્વના એટલા માટે છે કે આટફિશિયલ ઇન્ટેલિજન્સના વાવાઝોડા વચ્ચે આઇટી કંપનીઓ અટવાયેલી જોવા મળતી હતી.
નિફ્ટી આઇટી ઇન્ડેક્સે છેલ્લા ચાર દિવસ દરમિયાન અંદાજે ૮ ટકાથી વધુનો ગેઇન મેળવ્યો છે, જેણે સેક્ટરના માર્કેટ કેપિટલાઇઝેશનમાં રૂ. ૮૨,૫૦૦ કરોડથી વધુ રકમ ઉમેરી હતી. આઇટી શેરોમાં સૌથી વધુ એચસીએલટેક ૧૨% વધીને ટોચ પર રહ્યો છે, જ્યારે ટીસીએસ ૧૧% સાથે બીજા નંબરે છે અને ટેક મહિન્દ્રા ૧૦.૬૦% સાથે ત્રીજા નંબરે છે. ઇન્ફોસિસ અને વિપ્રો અનુક્રમે ૯% અને ૭% વધેલા જોવા મળ્યા હતા.
શુક્રવારે શરૂઆતી કારોબારમાં આઇટી શેરોમાં ઉછાળો જોવા મળ્યો હતો, જેમાં ટેક મહિન્દ્રા લગભગ ૭% ઉછળ્યો હતો અને અપેક્ષા કરતાં સારા ત્રિમાસિક પરિણામો તથા ડીલ કન્વર્ઝનમાં સુધારાની અપેક્ષાઓએ સેન્ટિમેન્ટ મજબૂત કરતાં વિપ્રો, ઇન્ફોસિસ અને ટીસીએસએ પણ જોરદાર વધારો નોંધાવ્યો હતો.
ટેક મહિન્દ્રા, વિપ્રોનાં પરિણામોથી સેન્ટિમેન્ટ મજબૂત થયું. આઇટી સવસીસ કંપનીએ મજબૂત ડીલ જીતની મદદથી અપેક્ષા કરતાં વધુ સારા બીજા ત્રિમાસિક ગાળાના મહેસૂલની જાહેરાત કર્યા પછી ટેક મહિન્દ્રાના શેરમાં વધારો થયો હતો. આ દેખાવથી રોકાણકારોને ટેકનોલોજી સવસીસ કંપનીઓ માટે માગ અને નજીકના ભવિષ્યના આઉટલુક અંગેની ચિંતાઓથી પરે જોવાનું કારણ મળ્યું.
કંપનીએ અંદાજ કરતાં વધુ બીજા ત્રિમાસિક ગાળાના મહેસૂલની જાહેરાત કર્યા પછી વિપ્રોના શેરમાં પણ લગભગ ૪%નો ઉછાળો આવ્યો હતો. તેના મેનેજમેન્ટે એ પણ સંકેત આપ્યો હતો કે વિલંબિત મોટી ડીલ્સ આવનારા ત્રિમાસિક ગાળામાં વૃદ્ધિને ટેકો આપી શકે છે.
જોકે, વિપ્રોમાં નબળા ડીલ બુકિંગ અને નજીકના ભવિષ્યના નરમ આઉટલુક અંગે ચિંતાઓ યથાવત છે. તાજેતરનો વધારો સૂચવે છે કે રોકાણકારો માગની તમામ ચિંતાઓને ઉકેલાયેલી ગણવાને બદલે અનગ્સના દેખાવ અને ડીલ કન્વર્ઝનમાં સુધારાની શક્યતા પર પ્રતિક્રિયા આપી રહ્યા છે.
આઇટી ઇન્ડેક્સની મજબૂતીમાં ઉમેરો કરતા ઇન્ફોસિસ અને ટીસીએસ પણ આગળ વધ્યા હતા. સેક્ટરનું આ પ્રદર્શન તાજેતરના સત્રોમાં તીવ્ર રિકવરીને અનુસરે છે, જેને ત્રિમાસિક પરિણામો અને મેનેજમેન્ટની કમેન્ટરી દ્વારા ટેકો મળ્યો છે.
ગ્લોબલ એઆઈ ટ્રેડમાં રિબાઉન્ડ અને અનગ્સ-સંચાલિત ચાલને પગલે અગાઉના સત્રમાં વ્યાપક બજારે ચાર મહિનામાં તેનો સૌથી મોટો એક-દિવસીય વધારો નોંધાવ્યો હતો. શુક્રવારની આઇટી તેજીએ નફા આધારિત તે ગતિને આગળ ધપાવી છે, ભલે બજારના અન્ય ભાગો પ્રોફિટ બુકિંગનો સામનો કરી રહ્યા હોય.
આઇટી શેરો માટે, હવે પછીની કસોટી એ હશે કે શું મજબૂત ત્રિમાસિક પરિણામો સતત રેવન્યુ ગ્રોથ અને સારા ડીલ એક્ઝિક્યુશનમાં રૂપાંતરિત થાય છે કે નહીં. જ્યારે ટેક મહિન્દ્રાની ડીલ જીત અને વિપ્રોના રેવન્યુ દેખાવે સેન્ટિમેન્ટને ટેકો આપ્યો છે, ત્યારે ડીલ બુકિંગ અને નજીકના ભવિષ્યના આઉટલુક અંગેની ચિંતાઓ સંબંધિત રહે છે. ગ્લોબલ છૈં-સંબંધિત સેલ-ઓફ ભારતીય આઈટી કંપનીઓમાં આડકતરો સુધારો લાવી શકે છે.