ભારતમાં પ્રમુખ કે વડાપ્રધાન બેમાંથી એક તો દેશમાં હોવા જ જોઇએ
સીક્રેટ સર્વિસનો નિયમ છે કે પ્રમુખ અને ઉપપ્રમુખ બંને દેશની બહાર હોવા ન જોઇએ અન્ય દેશોમાં પણ બે ટોચની વ્યક્તિઓ એક સાથે દેશ બહાર ન જઇ શકે
નવી દિલ્હી: અમેરિકાના પ્રમુખ ડૉનાલ્ડ ટ્રમ્પ ચીનની ત્રણ દિવસની મુલાકાતે ગયા ત્યારે તેઓ ઉપપ્રમુખ જે.ડી.વાન્સને સાથે લેતા ગયા ન હતા.વાન્સસ વ્હાઇટ હાઉસમાં રહ્યા ત્યારે મઝાક ઉડાડતાં કહ્યું આ વિશાળ વ્હાઇટ હાઉસમાં હું એકલતા અનુભવું છું. તેઓએ તેમની સ્થિતિ ૧૯૯૦નાં ચલચિત્ર હોમ એલોનના બાલ કલાકાર મેક્રોલે કેલ્વીન સાથે કરી હતી. તે સાંભળી પત્રકારો પણ હસી પડયા હતા.
બુધવારે પત્રકારો સાથેની વાતચીતમાં જે.ડી.વાન્સે અમેરિકાની સિક્રેટ સર્વિસના નિયમોનો ઉલ્લેખ કર્યો હતો. તે પ્રમાણે લાઈન ઓફ સક્સેન (સત્તાના ઉત્તરાધિકારી) સુરક્ષિત રાખવા માટે પ્રમુખ અને ઉપપ્રમુખ બંને એક સાથે દેશ બહાર રહી ન શકે.
આ અંગે પોતાનો અનુભવ વ્યંગમાં કહેતાં તેમણે જણાવ્યું કે કોઈ કોઈવાર તેઓ હોમએલોન સુધીના બાલકલાકાર મેકોલ કેલ્વીનનાં જેવી માનસિક સ્થિતિ અનુભવી રહ્યો છું.
માત્ર અમેરિકામાં જ નહીં પરંતુ દુનિયાના દરેક દેશમાં ટોચની બે વ્યક્તિઓ એક સાથે દેશ બહાર રહી ન શકે. ભારતમાં પણ રાષ્ટ્રપતિ અને વડાપ્રધાન બંને એક સાથે દેશની બહાર રહી ન શકે. કારણ કે ક્યારે શું અને કેવું બને તે સમયે આખરી નિર્ણય લેનારૂં કોઈ દેશમાં હાજર હોવું જ જોઇએ.
