- દુબઈથી વાયા નેપાળ થઈ ભારતમાં આવ્યા બાદ પકડયા
- સુધીર કોટડિયા અને ઉમંગ કોટડિયાને 20મી માર્ચ સુધીની ઇડીની કસ્ટડી
નવી દિલ્હી : એન્ફોર્સમેન્ટ રિેક્ટોરેટે શુક્રવારે જણાવ્યું હતું કે તેણે ૧૮૦ કરોડની ડિજિટલ પોન્ઝી સ્કીમના બે ફરાર ગુજરાતી ઓરોપીઓની ધરપકડ કરી છે. તેઓ ભારતમાંતી ભાગી ગયા પછી દુબઈથી વાયા નેપાળના રસ્તે ભારત પરત આવ્યા હતા.
સુધીર દલસુખભાઈ કોટડિયા અને ઉમંગ શાંતિભાઈ કોટડિયાને પ્રીવેન્શન ઓફ મની લોન્ડરિંગ એક્ટ (પીએમએલએ)ની જોગવાઈઓ હેઠળ ૧૧ માર્ચના દોર ધરપકડ કરવામાં આવી હતી. તેઓ ક્યુફોન એપ લિમિટે ડઅને અન્ય એસોસિયેટેડ એકમો દ્વારા ફ્રોડ કહેવાય તેવી ડિજિટલ ઇન્વેસ્ટમેન્ટ સ્કીમ (પોન્ઝીસ્ચલાવતા હતા.
મુંબઈની સ્પેશ્યલ પીએમએલએ કોર્ટે બંનેને ૨૦ માર્ચ સુધીમાં ઇડીની કસ્ટડીમાં મોકલી આપ્યા છે. ડિસેમ્બર ૨૦૨૪માં થાણે પોલીસે બે આરોપીઓ જયસુખ સખારિયા અને ઉમંગ કોટડિયા સહિતના બીજા લોકો સામે ડિજિટલ પોન્ઝી સ્કીમનો કેસ દાખલ કર્યો હતો જે પછી ઇડી પાસે ગયો હતો. તેઓની સામે ભરુચમાં પણ પોન્ઝી સ્કીમનો કેસ નોંધાયો છે.
ઇડીનો દાવો હતો કે બંને પકડાયેલા આરોપીઓ ભાગી ગયા હતા અને જાણીબૂઝીને તપાસ ટાર્ળી રહ્યા હતા. તેઓ યુએઈના દુબઈ ભાગી ગયા હતા અને પછી નેપાળના રુટે ભારત પરત આવ્યા હતા. ઇડીએ ઇન્ટેલિજન્સ આધારિત ટ્રેકિંગ પછી પકડયા હતા. બંને પર ગુજરાત અને મહારાષ્ટ્રના નિર્દોષ રોકાણકારો પાસેથી બેથી લઈને ૧૦.૫ ટકા વળતર આપી પોન્ઝી સ્કીમ ચલાવવાનો આરોપ મૂકવામાં આવ્યો છે.
તપાસમાં જાણવા મળ્યું હતું કે તેઓ નવારોકાણકારો પાસેથી મળતા નાણાનો ઉપયોગ જૂના રોકાણકારોને વળતર આપવા કરતા હતા. આ પ્રક્રિયામાં સારી એવી રકમ આરોપીઓ લઈ જતા હતા. કૌભાંડની રકમ તેમની ફર્મ્સ એકમો અને તેમની સાથે જોડાયેલી વ્યક્તિઓના ખાતામાં ટ્રાન્સફર કરવામાં આવી હતી. કેટલુક ભંડોળ તો આંગડિયા દ્વારા રોકડેથી ટ્રાન્સફર કરવામાં આવ્યુ હતુ. ઇડીના જણાવ્યા મુજબ આ કેસમાં કૌભાંડની રકમ રૂ. ૧૮૩ કરોડ છે.
