આથી ઇસ્ટર્ન ફ્રન્ટ ઉપર યુક્રેન ઝડપથી સેના મોકલી શકશે નહીં કે ટેન્કો કે મોબાઈલગન્સ પણ મોકલી શકશે નહીં: યુક્રેને ફરી નાટોની સહાય માગી
નવી દિલ્હી: રશિયાએ છેલ્લાં એક સપ્તાહમાં તે યુક્રેન ઉપર ભારે બોમ્બવર્ષા સાથે અસામાન્ય લશ્કરી કાર્યવાહી પણ શરૂ કરી દીધી છે. આના પગલે પૂર્વ યુક્રેનમાં આવેલી નેપ્રો પેટ્રોવસ્કમાં નદી પરનો પુલ તોડી નાખ્યો છે. આ પુલ યુક્રેની દળોએ પૂર્વ તરફ લઇ જવા માટે તેમજ તેની અન્ય શસ્ત્ર સામગ્રી જેવી કે ટેન્કો, મોબાઈલગન્સ, બખ્તરિયાં વાહનો વગેરે લઇ જવા માટે ઘણો જ ઉપયોગ હતો તે તૂટી જતાં પૂર્વ વિસ્તારમાં રહેલાં તેનાં સૈન્ય માટેની સપ્લાઇ લાઈન તૂટી ગઈ છે.
પ્રાપ્ય માહિતી પ્રમાણે રશિયન એરફોર્સે ચોક્કસ નિશાન લઇ કરેલા મિસાઇલ હુમલાને લીધે તેમા કાર્ય કરી શક્યા છે.
રશિયાનાં સંરક્ષણ મંત્રાલયે આ માહિતી આપતાં જણાવ્યું હતું કે આ હવાઈ હુમલાને લીધે આ પુલ આસપાસ રહેલાં ગામોને પણ ક્ષતિ પહોંચી હતી. કેટલાક નાગરિકોને પણ ઇજાઓ થઇ હતી. બીજી તરફ યુદ્ધનો અંત નજીકમાં ન દેખાતાં યુક્રેને નાટો રાષ્ટ્રોની પણ મદદ માગી છે. જો કે નાટો દશોએ હજી તે માગણી સ્વીકારી છે કે કેમ તે જાણવા મળ્યું નથી.
આ નેપ્રોપ્રેસ્ટોવસ્ક શહેર ડોનબાસ વિસ્તારની નજીક રહેલું છે. આ વિસ્તાર ઉપર રશિયાની ઘણા સમયથી નજર છે. આ વિસ્તારમાં રશિયાએ ઓક્ટો. ૨૫ અને ઓક્ટો. ૩૦ના દિવસે પણ હુમલા કર્યા હતા. ઓક્ટો. ૨૫ના હુમલામાં બે નાગરિકોનાં મૃત્યુ થયાં હતાં. ઓક્ટો. ૩૦ દિને ફરી હુમલો કર્યો હતો.
મજબૂત આકાશી સંરક્ષણ વ્યવસ્થાને પણ વિંધિ આ હુમલા સફળ રહ્યા હતા. યુ.એન. રીપોર્ટ પ્રમાણે રશિયા ઉપર વોર ક્રાઇમના આરોપો મુકાયા છે. પરંતુ રશિયા જવાબ આપતું નથી. તેથી પરિસ્થિતિ વધુ ગૂંચવાઈ છે.
