બંગાળ સરકારમાં મિથુન ચક્રવર્તીને મોટી જવાબદારી, મળ્યો કેબિનેટ મંત્રીનો દરજ્જો

Mithun Chakraborty Gets Cabinet Minister Rank: પશ્ચિમ બંગાળ સરકારે અભિનેતામાંથી રાજનેતા બનેલા મિથુન ચક્રવર્તીને એક મોટી જવાબદારી સોંપી છે. તેમને પશ્ચિમ બંગાળ સરકારના સલાહકાર તરીકે નિયુક્ત કરવામાં આવ્યા છે. તેમની ભૂમિકા માહિતી અને સાંસ્કૃતિક બાબતોના વિભાગ સાથે જોડાયેલી રહેશે. આ પદની સાથે તેમને કેબિનેટ મંત્રીનો દરજ્જો આપવામાં આવ્યો છે. આ નિયુક્તિ તાત્કાલિક અસરથી અમલમાં આવશે અને આગામી આદેશ સુધી ચાલુ રહેશે.

મિથુનદા બંગાળના રાજકારણમાં સક્રિય

અભિનેતા અને રાજનેતા મિથુન ચક્રવર્તી લાંબા સમયથી બંગાળના રાજકારણમાં સક્રિય છે, અને ભાજપ માટે પ્રચાર કરતા રહ્યા છે. હવે તેમની ભૂમિકા રાજ્ય સરકાર સાથે જોડાઈ ગઈ છે. માહિતી અને સાંસ્કૃતિક બાબતોનો વિભાગ રાજ્યમાં માહિતી, સંસ્કૃતિ અને કલા સાથે સંકળાયેલા કાર્યો સંભાળે છે. આ જ વિભાગમાં મિથુન ચક્રવર્તીને સલાહકારની જવાબદારી સોંપવામાં આવી છે. મિથુન ચક્રવર્તી હવે માહિતી અને સાંસ્કૃતિક બાબતોના વિભાગ સાથે સંકળાયેલા કામકાજમાં સલાહકાર તરીકે ભૂમિકા ભજવશે. અગાઉ આ વિભાગની જવાબદારી મુખ્યામંત્રી શુભેન્દુ અધિકારી પાસે હતી. હવે મિથુન ચક્રવર્તીને સરકારના સલાહકાર બનાવવામાં આવ્યા છે. તેમની ભૂમિકા વિભાગ સાથે સંબંધિત બાબતોમાં સરકારને સલાહ આપવાની રહેશે.

તાત્કાલિક અસરથી નિમણૂક

સરકારી જાહેરનામા મુજબ, આ નિમણૂક તાત્કાલિક અસરથી અમલી બનાવવામાં આવી છે, અને આગામી આદેશ સુધી ચાલુ રહેશે. મિથુન ચક્રવર્તીને મળેલી આ નવી જવાબદારી સાથે તેમને કેબિનેટ મંત્રીનો દરજ્જો પણ આપવામાં આવ્યો છે. આ રીતે મિથુન ચક્રવર્તી હવે પશ્ચિમ બંગાળ સરકાર સાથે સલાહકાર તરીકે કામ કરશે.