દેશના 13 રાજ્યોમાં હવામાન પલટાશે, IMDની વાવાઝોડા અને હિમવર્ષાની આગાહી

IMD Tomorrow Weather Alert 13 States: ભારતીય હવામાન વિભાગે 9 નવેમ્બર 2026 થી દેશના 13 રાજ્યોમાં હવામાન બદલાવાની ચેતવણી આપી છે. દક્ષિણ, પૂર્વ અને ઉત્તર-પૂર્વ ભારતના વિવિધ ભાગોમાં વરસાદ, વાવાઝોડું અને પહાડી રાજ્યોમાં ભારે હિમવર્ષા થવાની સંભાવના છે. કેટલીક જગ્યાએ પવનની ઝડપ 90 કિલોમીટર સુધી રહેવાની પણ આગાહી કરવામાં આવી છે.

રાજ્યવાર હવામાનનું પૂર્વાનુમાન

દિલ્હી-NCR: 9 નવેમ્બરે વરસાદની શક્યતા નથી. સવારે મધ્યમ ધુમ્મસ અને દિવસ દરમિયાન તાપમાન 14 ડિગ્રીથી 27 ડિગ્રીની વચ્ચે રહેવાનું અનુમાન છે.

ઉત્તર પ્રદેશ, રાજસ્થાન, મધ્ય પ્રદેશ અને પંજાબ: હવામાન મુખ્યત્વે શુષ્ક રહેશે. સવાર અને રાત્રિના સમયે ઠંડીનું પ્રમાણ ધીમે ધીમે વધશે.

બિહાર અને ઝારખંડ: બિહારમાં 11 નવેમ્બરે અને ઝારખંડમાં 10 તેમજ 11 નવેમ્બરના રોજ હળવાથી મધ્યમ વરસાદની શક્યતા છે.

પશ્ચિમ બંગાળ અને સિક્કિમ: 9 નવેમ્બરે ગાજવીજ સાથે વરસાદ પડી શકે છે.

જમ્મુ-કાશ્મીર અને લદ્દાખ: વેસ્ટર્ન ડિસ્ટર્બન્સના કારણે 10 નવેમ્બરથી હવામાન બદલાશે અને 12 નવેમ્બરે કાશ્મીર ઘાટીમાં ભારે વરસાદ તેમજ હિમવર્ષાનું એલર્ટ છે.

દક્ષિણ અને ઉત્તર-પૂર્વ ભારત: તમિલનાડુ, કેરળ, કર્ણાટક, આંધ્રપ્રદેશ, આસામ, મેઘાલય, નાગાલેન્ડ અને મણિપુરમાં 9 થી 14 નવેમ્બર દરમિયાન ભારે વરસાદની ચેતવણી આપવામાં આવી છે.

હવામાનમાં આવશે મોટો પલટોઃIMD

IMDની આગાહી અનુસાર ક્યાંક ભારે વરસાદ લોકોની મુશ્કેલી વધારી શકે છે, તો ક્યાંક પહાડો પર બરફવર્ષાના કારણે ઠંડીની અસર તીવ્ર બનવાની છે. હવામાન વિભાગના પૂર્વાનુમાન મુજબ 9 નવેમ્બરથી દક્ષિણ ભારતના ઘણા રાજ્યોની સાથે પૂર્વીય અને પૂર્વોત્તર ભારતમાં પણ વરસાદની પ્રવૃત્તિઓ વધી શકે છે. કેટલાક વિસ્તારોમાં ગાજવીજ સાથે ઝડપી પવન ફૂંકાવવાની આશંકા છે. પવનની ઝડપ 90 કિલોમીટરનીઆસપાસ પહોંચી શકે છે. હવામાનનો આ ફેરફાર એકસાથે ઘણા વિસ્તારોને પ્રભાવિત કરી શકે છે. વળી જમ્મુ-કાશ્મીર અને લડાખમાં વેસ્ટર્ન ડિસ્ટર્બન્સની અસરથી વરસાદ અને બરફવર્ષાનો નવો તબક્કો શરૂ થવાની સંભાવના છે.

દક્ષિણ ભારતના રાજ્યોમાં પણ અસર

હવામાન વિભાગે તમિલનાડુ, કેરળ, કર્ણાટક, આંધ્રપ્રદેશ અને પૂર્વોત્તરના ઘણા રાજ્યોમાં વરસાદને લઈને ચેતવણી આપી છે. તમિલનાડુ અને આસપાસના વિસ્તારોમાં આગામી ઘણા દિવસો સુધી વરસાદ ચાલુ રહી શકે છે. પહાડી રાજ્યોમાં પણ હવામાન સ્પષ્ટ રહેવાના એંધાણ ઓછા છે. જમ્મુ-કાશ્મીરમાં 10 નવેમ્બરથી હવામાન બદલાવાની સંભાવના છે અને 12 નવેમ્બરે કાશ્મીર ઘાટીમાં ભારે વરસાદ અથવા બરફવર્ષા થઈ શકે છે. બીજી તરફ દિલ્હી-NCR, પંજાબ, હરિયાણા અને ઉત્તર પ્રદેશના મેદાની વિસ્તારોમાં હાલમાં હવામાન શુષ્ક રહેવાનું અનુમાન છે. એવામાં દેશના અલગ-અલગ ભાગોમાં હવામાનની અસર અલગ-અલગ જોવા મળશે.