એર ઈન્ડિયાની ગંભીર બેદરકારી: ARC વગર 4 રાજ્યોમાં ફ્લાઈટ ઉડાવી, DGCAએ ફટકાર્યો દંડ

DGCA Fine Air India : એવિએશન કંપની એર ઈન્ડિયાએ ગંબીર બેદરકારી કરીને મુસાફરોના જીવ જોખમમાં નાખતી ભુલ કરી છે. એરલાઈન્સે ARC વગર ચાર રાજ્યોમાં કુલ આઠ વખત ફ્લાઈટોનું સંચાલન કર્યું છે. ત્યારે ભારતના નાગરિક ઉડ્ડયન નિયમનકાર DGCAએ આ મામલાને ગંભીરતાથી લીધો અને એર ઈન્ડિયાને એક કરોડ રૂપિયાનો દંડ ફટકાર્યો છે.

ARC વગર 4 રાજ્યોમાં ફ્લાઈટનું સંચાલન કર્યું

રિપોર્ટ મુજબ, એર ઈન્ડિયાએ 24 અને 25 નવેમ્બરના રોજ રાજધાની દિલ્હી, મુંબઈ, બેંગલુરુ અને હૈદરાબાદમાં આઠ વખત ફ્લાઈટ ઉડાવી હતી. આરોપ છે કે, એરલાઈન્સે ફરજીયાત એવા ‘એયરવર્થિનેસ પરમિટ (ARC)’ એટલે કે ઉડાન યોગ્યતા પ્રમાણપત્ર વગર એક એરબસ ફ્લાઈટનું આઠ વગર સંચાલન કર્યું હતું. જેના કારણે ડીજીસીએએ તેને દંડ ફટકાર્યો છે.

તપાસમાં ગંભીર બેદરકારી સામે આવી

જ્યારે તપાસ કરવામાં આવી ત્યારે સંબંધિત એરબસ ફ્લાઈટ પાસે માન્ય એઆરસી (Airworthiness Review Certificate) જ નહોતી. મુસાફરો અને ફ્લાઈટની સુરક્ષા માટે એઆરસી ખૂબ જ ફરજીયાત વાર્ષિક પ્રમાણપત્ર છે અને આ સર્ટિફિકેટ ફ્લાઈટની ટેકનિકલ સ્થિતિ, મેઈન્ટેનન્સ રેકોર્ડ અને સુરક્ષાના માપદંડોની તપાસ બાદ આપવામાં આવે છે. આ સર્ટિફિકેટથી જ સુનિશ્ચિ થાય છે કે, ફ્લાઈટ નિયમો અને સુરક્ષાના માપદંડો પર ખરું ઉતર્યું છે.

આ પણ વાંચો : બાંગ્લાદેશમાં ચૂંટણી જીતતા જ તારિક રહેમાનની BNPએ ભારતનું ટેન્શન વધાર્યું, મોટી ડિમાન્ડ કરી

માન્ય ARC વગર ફ્લાઈટનું સંચાલન કરવું ગંભીર ઉલ્લંઘન

જો કોઈ એરલાઈન્સ કંપની માન્ય એઆરસી વગર કોમર્શિયલ ફ્લાઈટનું સંચાલન કરે તો તેને ગંભીર ઉલ્લંઘન અને બેદરકારી માનવામાં આવે છે. ડીજીસીએએ સુરક્ષાના માપદંડો સાથે કોઈપણ પ્રકારની ઢીલાશ રાખ્યા વગર કડક કાર્યવાહી કરી છે, જે મુસાફરો અને ફ્લાઈટની સુરક્ષા માટે ખાસ જરૂરી છે.

તમામ ફ્લાઈટો માટે ARC ફરજીયાત

DGCA મુજબ, કોઈપણ ફ્લાઈટે કોમર્શિયલ ઉડ્ડનનું સંચાલન કર્યા પહેલા માન્ય એઆરસી મેળવું ફરજીયાત હોય છે. આનાથી સુનિશ્ચિત થાય છે કે, ફ્લાઈટ સુરક્ષાના તમામ માપદંડો પર ખરું ઉતર્યું છે. ડીજીસીએને ધ્યાને આવ્યું છે કે, એરબસ ફ્લાઈટે નિર્ધારિત મંજૂરી વગર સંચાલન કર્યું, જે ગુભંર ઉલ્લંઘન છે. તેથી જ આને ગંભીર બેદરકારી માનીને એર ઈન્ડિયાને દંડ ફટકારાયો છે.

આ પણ વાંચો : તેલંગાણા ચૂંટણી : કોંગ્રેસે આપ્યો ભાજપ અને BRSને ઝટકો, જાણો પરિણામ