ભાજપે 18 ઉમેદવારોની ત્રીજી યાદી કરી જાહેર, તેજસ્વી સામે સતીશ યાદવને મેદાનમાં ઉતાર્યા

Bihar Elections 2025: બિહાર વિધાનસભા ચૂંટણીને લઈને ભાજપે ત્રીજી યાદી જાહેર કરી દીધી છે, જેમાં 18 ઉમેદવારના નામની જાહેરાત કરાઈ છે. ભાજપે રાધોપુર બેઠક પર તેજસ્વી યાદવ વિરૂદ્ધ સતીશ કુમાર યાદવને ટિકિટ આપી છે. સતીશ યાદવે 2010માં રાધોપુરથી રાબડી દેવીને હરાવ્યા હતા. ત્યારે તેઓ જેડીયૂના ઉમેદવાર હતા. જણાવી દઈએ કે, ભાજપે 18 ઉમેદવારનો જાહેરાત સાથે પોતાના તમામ ઉમેદવારો જાહેર કરી દીધા છે. ભાજપે પહેલી યાદીમાં 71 ઉમેદવાર ત્યારબાદ બીજી યાદીમાં 12 ઉમેદવારોની જાહેરાત કરી હતી.