દિલ્હી-NCR વાસીઓને મોટી રાહત, AQIમાં સુધારો થયા બાદ હટાવી લેવાયા GRAP-3 ના પ્રતિબંધો
Summarized by AI; it may make mistakes. Check important info
Summarized by AI; it may make mistakes. Check important info

CAQM Lifts GRAP Stage 3 Restrictions Delhi NCR: દિલ્હી-NCRમાં વાયુ પ્રદૂષણની સ્થિતિમાં સુધારો થતા લોકોને મોટી રાહત મળી છે. 17 નવેમ્બર 2026ના રોજ દિલ્હીનો AQI 204 નોંધાયા બાદ અને હવાની ગુણવત્તામાં સુધારાના વલણને જોતા એર ક્વોલિટી મેનેજમેન્ટ કમિશન (CAQM) ની GRAP સબ-કમિટીએ તાત્કાલિક અસરથી GRAP સ્ટેજ-3 ના પ્રતિબંધો હટાવવાનો નિર્ણય લીધો છે. જોકે, GRAP સ્ટેજ-1 અને સ્ટેજ-2 હેઠળના નિયમો અને પ્રતિબંધો યથાવત રહેશે.
કયા પ્રતિબંધોમાંથી મળી મુક્તિ?
વાહનોની અવરજવર: GRAP-3 હેઠળ દિલ્હી, ગુરુગ્રામ, ફરીદાબાદ, ગાઝિયાબાદ અને ગૌતમ બુદ્ધ નગરમાં BS-3 પેટ્રોલ અને BS-4 ડીઝલ વાહનો ચલાવવા પર મુકાયેલો પ્રતિબંધ હટાવી લેવામાં આવ્યો છે.
બાંધકામ અને ઉદ્યોગો: ધૂળ ફેલાવતા બાંધકામ કાર્યો, સ્ટોન ક્રશર અને ખાણકામ પ્રવૃત્તિઓ પર લાગેલી રોક હવે દૂર થઈ છે.
શાળાઓ અને ઓફિસ: ધોરણ 5 સુધીની શાળાઓને હાઇબ્રિડ મોડમાં ચલાવવાના નિર્દેશ અને સરકારી કચેરીઓમાં 50 ટકા કર્મચારીઓના વર્ક ફ્રોમ હોમ સંબંધિત કડક નિયંત્રણોમાં પણ રાહત મળી છે.




