'1 કરોડ મહિલાને 1-1 લાખ આપીશું...', બિહારની જેમ યુપીમાં ચૂંટણી જીતવા યોગી સરકારનો પ્લાન!
Summarized by AI; it may make mistakes. Check important info
Summarized by AI; it may make mistakes. Check important info
UP women financial scheme: ઉત્તર પ્રદેશમાં આગામી વિધાનસભા ચૂંટણી પહેલા યોગી સરકાર મહિલાઓ માટે એક મોટી આર્થિક યોજના લાવવાની તૈયારી કરી રહી છે. આ યોજના હેઠળ પ્રદેશની એક કરોડ મહિલાઓને એક-એક લાખ રૂપિયા આપવામાં આવશે, જે સીધા તેમના બેન્ક ખાતામાં જમા થશે.
ત્રણ તબક્કામાં મળશે સહાય
આ રકમ મહિલાઓને ત્રણ અલગ-અલગ હપ્તામાં આપવામાં આવશે. યોજના મુજબ પ્રથમ હપ્તો 20,000 રૂપિયાનો ડિસેમ્બરમાં આપવામાં આવશે, બીજો હપ્તો 30,000 રૂપિયાનો અને ત્રીજો હપ્તો 50,000 રૂપિયાનો રહેશે. આમ, કુલ એક લાખ રૂપિયા સીધા ખાતામાં પહોંચશે. બિહારમાં પણ ગત વર્ષે ચૂંટણી પહેલા આ પ્રકારની યોજના શરૂ કરવામાં આવી હતી.
વ્યાજ મુક્ત લોન અને સ્વયં સહાય જૂથો
સરકાર આ રકમ ઉત્તર પ્રદેશ રાજ્ય આજીવિકા મિશન અંતર્ગત વ્યાજ મુક્ત ઋણ તરીકે આપવાની યોજના બનાવી રહી છે. આ માટે સ્વયં સહાય જૂથો સાથે જોડાયેલી એક કરોડ મહિલાઓને વિશેષ ક્રેડિટ કાર્ડ આપવામાં આવશે અને આ યોજના ત્રણ વર્ષ માટે લાગુ કરવામાં આવશે.
નાના વેપાર અને ડિજિટલ સુવિધાઓ પર ભાર
એક કરોડ મહિલાઓને તેમના નાના વેપાર અને ચાલુ ઉદ્યોગોને વિસ્તારવા માટે આ નાણાકીય સહાય મળશે, જેનાથી અંદાજે 3થી 4 કરોડ લોકોને લાભ થવાની અપેક્ષા છે. આ ઉપરાંત મહિલા જૂથોને ડિજિટલ સુવિધાઓ સાથે જોડવા માટે 'આઈડી કાર્ડ' આપવામાં આવશે, જેનાથી ડિજિટલ પેમેન્ટ, માર્કેટિંગ અને ઓનલાઈન વેચાણ સરળ બનશે. સાથે જ ઈ-રિક્ષા યોજના અંતર્ગત 2 લાખ રૂપિયા સુધીના વાહનોની ખરીદી અને 100 'મહિલા શક્તિ કેન્દ્ર' સ્થાપવાના પણ નિર્દેશો અપાયા છે.
