દીપકેની અટકાયત બાદ હવે CJPની કમાન કોના હાથમાં? પ્લેનમાંથી પકડાતાં પહેલાં જ સોંપી દીધી હતી જવાબદારી!
Summarized by AI; it may make mistakes. Check important info
Summarized by AI; it may make mistakes. Check important info
CJP Protest: કોકરોચ જનતા પાર્ટી(CJP)ના સ્થાપક અભિજિત દીપકે, આશુતોષ રાંકા અને સૌરવ દાસને દિલ્હી પોલીસે દિલ્હી ઍરપૉર્ટ પર પ્લેનની અંદરથી જ કસ્ટડીમાં લઈ લીધા છે. મુખ્ય ચૂંટણી કમિશનર જ્ઞાનેશ કુમાર વિરુદ્ધના આ મોટા વિરોધ પ્રદર્શન પહેલા જ અભિજિત દીપકે પોતાની ધરપકડ કે અટકાયતની આશંકા વ્યક્ત કરી લીધી હતી. આ જ કારણોસર તેમણે અગાઉથી જ પ્રદર્શનનું નેતૃત્વ સંભાળવા માટે એક અન્ય નેતાની પસંદગી કરી રાખી હતી.
અજિંક્ય શિંદે સંભાળશે CJP આંદોલનની કમાન
દિલ્હી પોલીસ દ્વારા CJPના ટોચના નેતાઓની અટકાયત કરવામાં આવ્યા બાદ, સંગઠન દ્વારા અભિજિત દીપકેનો એક પહેલેથી જ રૅકોર્ડ કરાયેલો વીડિયો સોશિયલ મીડિયા પર શેર કરવામાં આવ્યો છે. આ વીડિયોમાં અભિજિત દીપકે સ્પષ્ટપણે કહી રહ્યા છે કે જો આ વીડિયો લોકો સુધી પહોંચે, તો તેનો અર્થ એ સમજવો કે તેઓ અને તેમના સાથીઓ અટકાયતમાં લેવાયા છે. આવી સ્થિતિમાં, સંગઠનના રાષ્ટ્રીય સંગઠન ઇન્ચાર્જ અજિંક્ય શિંદે આ આંદોલનનું નેતૃત્વ કરશે. દીપકેએ તમામ સમર્થકોને અજિંક્ય શિંદેના નેતૃત્વમાં આગળ વધવાની અપીલ કરી છે.
જંતર-મંતર પર પ્રદર્શન પહેલા પોલીસની મોટી કાર્યવાહી
CJP દ્વારા દિલ્હીના જંતર-મંતર પર મુખ્ય ચૂંટણી કમિશનર જ્ઞાનેશ કુમાર સામે મોટા આંદોલનનું એલાન કરવામાં આવ્યું હતું. જોકે, દિલ્હી પોલીસે આ પ્રદર્શન માટેની મંજૂરી આપવાનો ઇન્કાર કર્યો હતો. છતાં CJP નેતાઓએ પીછેહઠ ન કરતાં શુક્રવારે સવારે મુંબઈથી ફ્લાઇટ દ્વારા દિલ્હી પહોંચ્યા હતા, જ્યાં લેન્ડિંગ થતાં જ પોલીસે કાર્યવાહી કરી હતી. આ ઉપરાંત, પ્રખ્યાત યુટ્યુબર ધ્રુવ રાઠી અને CJPની લીગલ ટીમનાં વડા રત્ના સિંહ સહિતના લોકોને પણ પોલીસે અટકાયતમાં લીધા છે.
કોણ છે અજિંક્ય શિંદે?
35 વર્ષીય અજિંક્ય શિંદે મહારાષ્ટ્રના લાતુરના નિવાસી છે. તેમણે રાયગઢની ડૉ. બાબાસાહેબ આંબેડકર ટૅક્નોલૉજીકલ યુનિવર્સિટી(DBATU)માંથી B.Techની ડિગ્રી મેળવી છે. ઑગસ્ટ મહિનામાં અભિજિત દીપકેએ તેમને CJPના રાષ્ટ્રીય સંગઠન ઇન્ચાર્જ તરીકે નિયુક્ત કર્યા હતા.
અજિંક્ય શિંદે સંગઠનના અગ્રણી નેતાઓમાંના એક
- તેમણે ચાલુ મહિનાની શરૂઆતમાં મુંબઈમાં CJPના આંદોલનનું સફળ આયોજન કર્યું હતું, જેનાથી તેઓ મુંબઈમાં એક મુખ્ય ચહેરો બનીને ઉભર્યા હતા.
- દેશભરની સરકારી શાળાઓની સ્થિતિ સુધારવાના હેતુથી ચલાવવામાં આવેલા CJPના 'સ્કૂલ ઠીક કરો' અભિયાનનું નેતૃત્વ પણ તેમણે જ કર્યું હતું.
CJPની મુખ્ય માંગણીઓ
CJP આંદોલનની કમાન સંભાળતા જ અજિંક્ય શિંદેએ સંગઠનની મુખ્ય માંગણીઓ દોહરાવી
1) મુખ્ય ચૂંટણી કમિશનર જ્ઞાનેશ કુમાર પોતાના પદ પરથી રાજીનામું આપે અને તેમની સામે ફોજદારી કાર્યવાહી હાથ ધરવામાં આવે.
2) વર્ષ 2025ની મતદાર યાદીઓને ફ્રીઝ (સ્થગિત) કરવામાં આવે.
3) ચૂંટણી કમિશનરોની નિમણૂક અંગેના વર્ષ 2023ના કાયદાને નાબૂદ કરવામાં આવે.
