ફોટો પડાવવા ટ્રેનની છત પર ચડેલા ૧૪ વર્ષીય તરુણનું મોત

ઓવરહેડ વાયરના સંપર્કમાં આવતા કરુણાંતિકા

ડોંબિવલીનો રહેવાસી યુવાન ક્લાસમાં જવાને બદલે મિત્રો સાથે ઠાકુર્લી યાર્ડમાં ગયો અને મોતને ભેટયો

મુંબઈ - થાણે જિલ્લાના ઠાકુર્લી યાર્ડમાં ઊભેલી ટ્રેનની છત પર ફોટો પડાવવા માટે ચઢેલા ૧૪ વર્ષીય કિશોરનું ઓવરહેડ વીજતારના સંપર્કમાં આવતાં મોત થયું હતું. આ ઘટના ગુરુવારે રાત્રે બની હોવાનું એક અધિકારીએ શુક્રવારે જણાવ્યું હતું. મૃતકની ઓળખ ડોમ્બિવલી પશ્ચિમના રહેવાસી યજ્ઞા સુરેશ શેટ્ટી તરીકે થઈ છે.

અધિકારીના જણાવ્યા અનુસાર, યજ્ઞા નિયમિત કોચિંગ ક્લાસમાં જવાને બદલે પોતાના બે મિત્રો સાથે ઠાકુર્લી યાર્ડમાં ગયો હતો. તેના બંને મિત્રો નીચે ઊભા રહ્યા હતા અને મોબાઇલ ફોનથી યજ્ઞાના ફોટા પાડી રહ્યા હતા. આ દરમિયાન યજ્ઞા ઊભેલી ટ્રેનના ડબ્બાની છત પર ચઢી ગયો હતો.

સ્ટેશનરી ટ્રેનની છત પર ફોટા પડાવતી વખતે યજ્ઞાનો લાઈવ ઓવરહેડ ટ્રેક્શન વાયર સાથે અકસ્માતે સંપર્ક થયો અથવા તે તેની ખૂબ નજીક પહોંચી ગયો હતો. વીજ કરંટ લાગતાં તે બેભાન થઈ ગયો હતો અને ડબ્બાની છત પરથી નીચે પટકાયો હતો. તેને તાત્કાલિક હોસ્પિટલમાં લઈ જવામાં આવ્યો હતો, પરંતુ તબીબોએ હોસ્પિટલ પહોંચતા જ તેને મૃત જાહેર કર્યો હતો.

આ બનાવ અંગે વિષ્ણુનગર પોલીસે ભારતીય નાગરિક સુરક્ષા સંહિતા (બીએનએસએસ)ની કલમ ૧૯૪ હેઠળ આકસ્મિક મૃત્યુનો અહેવાલ (એડીઆર) નોંધ્યો છે.