મહેસાણામાં નર્મદા કેનાલમાંથી બે યુવતીઓના મૃતદેહ મળતાં ચકચાર, હાથ બાંધેલા હોવાનો દાવો
Summarized by AI; it may make mistakes. Check important info
Summarized by AI; it may make mistakes. Check important info
Mehsana Narmada candal 2 Women Died : મહેસાણાના નાની કડી નજીકથી પસાર થતી નર્મદા કેનાલમાંથી બે યુવતીઓના મૃતદેહ મળી આવતા સમગ્ર વિસ્તારમાં ચકચાર મચી ગઈ છે. કેનાલ પાસેથી પસાર થઈ રહેલા રાહદારીઓની નજર મૃતદેહો પર પડતાં ઘટનાની જાણ થઈ હતી. જોકે આ બંને યુવતીઓના હાથ બાંધેલા હોવાનો દાવો કરાયો છે.
મૃતદેહો જોવા મળતાં લોકોના ટોળા એકઠા
બે યુવતીઓના મૃતદેહ કેનાલમાં જોવા મળતાં આસપાસના વિસ્તારમાંથી લોકો ઘટનાસ્થળે એકત્રિત થઈ ગયા હતા. બનાવની જાણ થતાં પોલીસ સહિતની ટીમો પણ તાત્કાલિક ઘટનાસ્થળે પહોંચી હતી અને પ્રાથમિક તપાસ હાથ ધરી હતી.
હાથ બાંધેલા હોવાની ચર્ચા, સત્તાવાર પુષ્ટિ નહીં
સ્થાનિકોમાં એવી ચર્ચા ચાલી રહી છે કે બંને યુવતીઓના હાથ બાંધેલી હાલતમાં હતા. જોકે, આ અંગે પોલીસ કે અન્ય સત્તાવાર તંત્ર તરફથી હાલ કોઈ પુષ્ટિ કરવામાં આવી નથી. તેથી યુવતીઓના મોતને લઈને કોઈ ચોક્કસ તારણ પર પહોંચવું હાલ વહેલું છે.
ઓળખ અને મોતનું કારણ જાણવા તપાસ
પોલીસ દ્વારા બંને મૃતદેહોની ઓળખ સહિતની વિગતો મેળવવા માટે તપાસ શરૂ કરવામાં આવી છે. યુવતીઓ કેનાલમાં કેવી રીતે પહોંચી અને સમગ્ર ઘટનાના સંજોગો શું હતા તે અંગે તપાસ બાદ જ વધુ હકીકતો સામે આવશે. મૃતદેહોને પોસ્ટમોર્ટમ માટે ખસેડી મોતનું ચોક્કસ કારણ જાણવા માટે કાર્યવાહી હાથ ધરવામાં આવી રહી છે.
