પુરુષોએ કેવાં સ્વેટર પહેરવાં?

પુરુષો માટે પણ સ્વેટરમાં અનેક પેટર્ન અને ડિઝાઈનો હવે મળવા લાગી છે. ઊનનાં સ્વેટર સિવાય હવે જેકેટ્સ, પાતળા થર્મલવેઅર અને લેધર બાઈકર જેકેટનો પણ સમાવેશ યુવકો હવે વિન્ટરવેઅરમાં જે રંગ  અને ડિઝાઈન પહેરી શકે એ પુરુષો નહીં. માટે જોઈએ સ્વેટર સિલેક્ટ કરતા સમયે શું ધ્યાનમાં રાખવું જોઈએ?

સ્વેટરનો રંગ

સ્વેટરનો રંગ તમે એ સ્વેટર ક્યાં પહેરવાના છો અને ક્યારે પહેરવાના છો એના પર આધાર રાખે છે. શિયાળામાં થોડા લાઈટ રંગો વધુ સારા લાગે છે, પરંતુ ફોર્મલવેઅર સાથે સ્વેટર પહેરવું હોય તો એના પર ડાર્ક સ્વેટર સારું લાગશે. બ્રાઈટ રંગ ધ્યાન દોરે છે અને માટે જ ફોર્મલ પ્રસંગોએ એ શોભનીય નહીં લાગે. આ જ રીતે ખૂબ જ લાઈટ રંગો પણ અવૉઈડ કરવા. બ્લેક, વાઈટ, બેજ, રસ્ટ, નેવી જેવા તટસ્થ રંગો મોટા ભાગે બધે જ સૂટ થશે.

પૅટર્ન

સિમ્પલ સિંગલ કલરના સ્લીવલેસ સ્વેટર ફોર્મલ લાગે છે. જ્યારે પેટર્નવાળા, સ્ટિચ કરેલા અને ઊન સિવાય કોઈ બીજા  ફેબ્રિકમાંથી બનાવેલા સ્વેટર કેઝ્યુઅલ લુક આપે છે. આર્ગેલ નામની ચેક્સ જેવી પેટર્ન પુરુષોનાં સ્વેટરમાં સૌથી વધુ લોકપ્રિય છે. આ પેટર્નની લાઈનિંગ અને રંગો અટ્રેક્ટિવ હોય છે. આ પેટર્નનું સ્વેટર પહેરવાનો સૌથી મોટો ફાયદો એ છે કે આ સ્વેટર તમારા આખા આઉટફિટમાં હાઈલાઈટ થશે. આ સ્વેટર કેટલાક પુરુષો એટલા માટે પણ પ્રિફર કરે છે કે એ શરીર પર ફિટ બેસે છે અને સ્લીવની લેન્ગ્થ વગેરેનો કોઈ પ્રોબ્લેમ નથી થતો. આ સ્વેટર જીન્સ કે કૉટન પેન્ટ સાથે ફુલ સ્લીવ શર્ટ પહેર્યું હોય એના પર પણ પહેરી શકાય. આ સિવાય હવે લોકો વુલન મટીરિયલનાં ટી-શર્ટનો પણ સ્વેટર તરીકે ઉપયોગ કરે છે જે સ્ટ્રિક્ટ્લી કેઝ્યુઅલવેઅરમાં જ સારું લાગશે. ઝિપવાળા હૂડી જેકેટ પણ ટી-શર્ટ સાથે સ્વેટરની જેમ પહેરી શકાય.

સ્વેટરની બનાવટ

અસલ સ્વેટર ઊનથી ગૂંથીને બનાવવામાં આવે છે જેમાં રિબ પેટર્નવાળા સ્વેટર પ્રમાણમાં જાડા અને ટકાઉ હોય છે તેમ જ આ સ્વેટરમાં હૂંફ વધુ મળે છે. પ્લેન વુવન સ્વેટર ઓછાં ટકે છે તેમ જ એ થોડા ઠંડા પણ હોય છે, પરંતુ થોડો ડેલિકેટ લુક હોવાને કારણે એ પ્રોફેશનલ ટચ આપે છે.

ફિટિંગ

જો સ્વેટર થોડું નાનું હશે તો એ હાસ્યાસ્પદ લાગશે અને જો મોટું હશે તો મોટા ભાઈનું સ્વેટર પહેરી લીધું હોય  એવો લુક આપશે. માટે જે સ્વેટર પહેરો એ બરાબર ફિટ થતું હોવું જોઈએ. દરેક બ્રેન્ડનો સાઈઝ ચાર્ટ જુદો હોય છે, જેને કારણે એના ફિટિંગ પણ જુદાં હોય છે. સ્વેટર પહેરીને જોવું અને જો શરીર પર ફિટ બેસે તો જ ખરીદવું. જો સ્વેટર ટાઈટ હશે તો કમ્ફર્ટેબલ નહીં લાગે અને જો લુઝ હશે તો એમાં ઠંડી લાગશે. કેટલાંક સ્વેટર ગૂંથેલાં નહીં પણ સીવેલાં હોય છે, આવાં સ્વેટરને સ્લાઈટલી અલ્ટર પણ કરાવી શકાય.

સ્ટાઈલ

ગોળ નેકનું સ્વેટર ડાર્ક રંગનું હોય છે અને બૉડી પર ફિટ બેસે છે. આવાં સ્વેટરને ડાર્ક ટ્રાઉઝર સાથે પહેરી શકાય. આ સ્વેટર સ્ટાઈલિશ લુક આપે છે. આવાં સ્વેટર ક્રીએટિવ પ્રોફેશનલો વધુ પહેરે છે.

પુરુષોના સ્વેટરમાં વી નેકલાઈન કે લો-વી કટ પરફેક્ટ લાગે છે, કારણ કે કૉલરવાળા શર્ટ સાથે પહેરવામાં  એ કમ્ફર્ટેબલ લાગે છે. વી નેકલાઈન ચહેરા પર ધ્યાન દોરે છે  અને ચહેરો સ્લીમ લાગે છે.

પોલો નેક સ્વેટરમાં આખી ગરદન ઢંકાઈ જતી હોવાથી એમાં અંદર કોઈ શર્ટ કે ટી-શર્ટ પહેરવાની જરૂર રહેતી નથી.

જૅકેટ

લેધરના બાઈકર જૅકેટ ઠંડીમાં હૂંફ આપશે. બાઈક પર જવાનું હોય કે કોઈ  આઉટ સ્ટેશન પર ફરવા જવાના હો ત્યારે અંદરથી ફર અને બહારથી લેધર હોય એવા જેકેટ પહેરો. લેધરનાં જેકેટ જીન્સ અને ટી-શર્ટ સાથે પહેરતા ખૂબ સ્ટાઈલિશ લાગે છે.