RBI ડિપોઝિટ વીમા પ્રીમિયમ માટે હાલની મર્યાદા જાળવી રાખશે

- એરાઉન્ડ ધ માર્કેટ

બેંકિંગ ઉદ્યોગના સૂત્રોએ જણાવ્યું હતું કે, ઓક્ટોબર પોલિસીમાં પ્રસ્તાવિત નવા જોખમ-આધારિત પ્રીમિયમ મોડેલ તરફ આગળ વધ્યા પછી પણ, રિઝર્વ બેંક ડિપોઝિટ વીમા પ્રીમિયમ પર હાલની ૧૨ પૈસા/રૂ. ૧૦૦ની મર્યાદા જાળવી રાખી શકે છે. જોકે, સારી રીતે સંચાલિત બેંકો માટે, વીમા પ્રીમિયમ ઘટવાની અપેક્ષા છે.

 હાલમાં, ડિપોઝિટ ઇન્શ્યોરન્સ અને ક્રેડિટ ગેરંટી કોર્પોરેશનની બધી બેંકો ૧૨ પૈસા/રૂ. ૧૦૦નું એકસમાન પ્રીમિયમ ચૂકવે છે. સહકારી બેંકો અથવા અન્ય ઓછી સારી રીતે સંચાલિત બેંકો માટે પ્રીમિયમ વર્તમાન ૧૨ પૈસાની મર્યાદા કરતાં વધુ થવાની અપેક્ષા નથી. તેઓ તેમનું હાલનું પ્રીમિયમ ચૂકવવાનું ચાલુ રાખશે. 

 સુવ્યવસ્થિત રીતે સંચાલિત જાહેર ક્ષેત્ર, ખાનગી ક્ષેત્ર અને મજબૂત સહકારી બેંકોના પ્રીમિયમમાં ઘટાડો થવાની સંભાવના છે, જેનાથી ભંડોળ વધુ સારા ઉપયોગ માટે મુક્ત થશે. 

ચિલી, પેરુ સાથે FTA ખનિજપુરવઠો વધારશે

સરકાર ચિલી, પેરુ અને ઓસ્ટ્રેલિયા સાથે વેપાર કરારો દ્વારા મહત્વપૂર્ણ ખનિજોનો પુરવઠો સુરક્ષિત કરવા માટે કામ કરી રહી છે, સાથે સાથે સ્થાનિક સંશોધન અને પ્રક્રિયા ક્ષમતામાં પણ વધારો કરી રહી છે, વાણિજ્ય અને ઉદ્યોગ પ્રધાન પીયૂષ ગોયલે જણાવ્યું હતું કે આપણા પોતાના દેશમાં સંશોધન પ્રવૃત્તિ વધારવાનું વિચારી રહ્યા છીએ. ચિલી અને પેરુ વાટાઘાટોથી ખનિજોની અછતને પહોંચી વળવા માટે સરકાર સક્રિયતા દાખવી રહી છે. હાલમાં ચીન વૈશ્વિક દુર્લભ ખનિજ તત્વો બજારમાં પ્રભુત્વ ધરાવે છે, જે કુલ ઉત્પાદનના ૭૦% અને પ્રક્રિયા ક્ષમતાના લગભગ ૯૦% હિસ્સો ધરાવે છે.