AI હવે CEO પણ બની શકે છે

- AI ઇન બિઝનેસ

હકીકતમાં, સુંદર પિચાઈએ જણાવ્યું હતું કે AI માટે CEOનું કામ કરવું ખૂબ જ સરળ હશે. તેમણે એમ પણ ઉમેર્યું હતું કે AI ઘણી નોકરીઓને સંપૂર્ણપણે બદલી નાખશે. તે કેટલીક નોકરીઓને દૂર કરશે અને નવી ભૂમિકાઓ બનાવશે. તેમણે કહ્યું કે લોકોને આ માટે તૈયાર રહેવાની જરૂર છે.

AI શું કરશે?

એક અહેવાલ મુજબ, સુંદર પિચાઈએ કહ્યું કે AI ખૂબ જ ઝડપી ગતિએ વિકાસ કરી રહ્યું છે. આગામી ૧૨ મહિનામાં, AI જટિલ કાર્યો કરી શકશે અને વપરાશકર્તાઓ માટે એજન્ટ તરીકે કાર્ય કરી શકશે. તેમણે વાતચીતમાં ઉલ્લેખ કર્યો કે કદાચ એક દિવસ AI CEO તરીકે પણ સેવા આપી શકશે.

સુંદર પિચાઈ ત્યાં અટક્યા નહીં. તેમનું માનવું છે કે CEOનું કામ એ એક દિવસ AI દ્વારા સંભાળવામાં આવતા સરળ કાર્યોમાંનું એક હશે. જોકે, તેમણે સ્પષ્ટતા કરી કે AI ને તે સ્તર સુધી પહોંચવામાં સમય લાગશે. સુંદર પિચાઈએ જણાવ્યું હતું કે AI ઘણી નોકરીઓનું સ્થાન લેશે, અને લોકોએ તે મુજબ અનુકુળ બનવું પડશે અને તે ફેરફરા માટે તૈયાર પણ રહેવું પડશે.

અન્ય CEO શું કહે છે

સુંદર પિચાઈની જેમ, વિશ્વભરના ઘણા અન્ય CEO એ પણ AIની ક્ષમતાઓ વિશે પોતાના મંતવ્યો વ્યક્ત કર્યા છે. ર્ંૅીહAI ના CEO સેમ ઓલ્ટમેનએ જણાવ્યું હતું કે એક દિવસ AI મારું કામ મારા કરતા વધુ સારી રીતે કરશે. તેવી જ રીતે, ક્લાર્નાના CEOએ પણ કહ્યું છે કે AI આપણા બધા કામ કરી શકે છે.

જો કે, ઘણા લોકો અલગ અલગ મંતવ્યો ધરાવે છે. શપૈગૈચના CEO જેન્સેન હુઆંગ કહે છે કે AI ક્યારેય માણસોને બદલી શકતું નથી.  તેમણે સ્પષ્ટપણે કહ્યું હતું કે જ્યારે AI કેટલાક કાર્યો મનુષ્યો કરતા વધુ સારી રીતે કરી શકે છે, તે માનવ વિચાર અને નેતૃત્વ ક્ષમતાઓની નજીક પણ આવી શકતું નથી. આ બધામાંથી એક વાત સ્પષ્ટ છઃ AI ઝડપથી બદલાઈ રહ્યું છે, અને ભવિષ્યમાં, દરેક વ્યક્તિ તેનાથી પ્રભાવિત થશે.

AI મોડલો હજુ પણ ભૂલો કરે છે. સામાન્ય લોકોને AIની પ્રગતિથી ડરાવવામાં આવી રહ્યા છે.  AI શિક્ષણ ક્ષેત્રે ચમત્કાર સર્જી શકે છે. લોકોને વધુ સ્માર્ટ પણ બનાવી શકે છે. લોકોને એ સમજાતું નથી કે ટેકનોલોજીની સાથે માનવ સમુદાય પણ બદલાતો આવ્યો છે. લોકો સામાન્ય મોબાઇલથી સ્માર્ટ ફોન સુધીનો વપરાશ શીખી ગયા છે. અંગ્રેજી માધ્યમ પણ એવીજ રીતે સમાજ જીવનમાં પ્રવેશેલું છે. ઇન્ટરનેટના વપરાશમાં પણ જેમ તેની સ્પીડ વધી એમ લોકો તેનો વધુ ઉપયોગ કરતા થયા છે.