નવા વાઇરસનો પ્રથમ ચિંતાજનક શંકાસ્પદ કેસ
આફ્રિકન દેશ ઝિમ્બાબ્વેથી વાયા દુબઇથી જામનગર પહોંચેલા 72 વર્ષના દર્દીને અલગ વોર્ડમાં દાખલ
જામનગર : જામનગરની સરકારી જી.જી. હોસ્પિટલમાં બે દિવસ પહેલા કોરોનાની સારવાર માટે દાખલ થયેલા 72 વર્ષીય વૃદ્ધ દર્દી કે જેનો આજે કોરોના પોઝિટિવ રિપોર્ટ મળ્યો છે. જે દર્દી આફ્રિકન દેશમાંથી વાયા દુબઈ થઈને જામનગર પહોંચ્યા હોવાથી અને કોરોના સંક્રમિત થયેલા હોવાથી તેને કોરોનાના નવા ઓમેક્રોન વોરિયન્ટ ના શંકાસ્પદ દર્દી ગણીને અલાયદા વોર્ડમાં રાખવામાં આવ્યા છે.
જામનગરમાં નવા વાયરસનો પ્રથમ કેસ શંકાસ્પદ કેસ સામે આવ્યો હોવાથી જામનગર જિલ્લાનું વહીવટી તંત્ર તેમજ હોસ્પિટલનું તંત્ર એલર્ટ બની ગયું છે, અને તમામ તકેદારીના પગલા લેવામાં આવી રહ્યા છે.
જામનગરના આરોગ્ય તંત્રમાં ભારે દોડધામ મચાવી દેનારા આ પ્રકરણની વિગત એવી છે કે જામનગરના મોરકંડા રોડ પર રહેતા 72 વર્ષીય એક વયોવૃદ્ધ નાગરિક કે જેઓ આફ્રિકન દેશ ઝિમ્બાબ્વે થી ટ્રાવેલ કરીને વાયા દુબઇ થઇ 28મી તારીખે અમદાવાદના એરપોર્ટ પર ઉતર્યા હતા, અને ત્યાંથી તેઓ જામનગર આવ્યા હતા.
દરમિયાન તેઓની તબીયત નાદુરસ્ત રહેતાં ગઈકાલે જામનગરની જી.જી. હોસ્પિટલમાં સારવાર કરવામાટે આવ્યા હતા. જેનો કોવિડ ટેસ્ટ કરવામાં આવ્યો હતો. જેનો આજે સાંજે કોરોના પોઝિટિવ રિપોર્ટ આવ્યો હતો. જેથી હોસ્પિટલનું તંત્ર ખૂબ જ એલર્ટ બની ગયું હતું. આ ઉપરાંત તેમના કોરોના ના સેમ્પલને વધુ પૃથકરણ માટે પૂનાની લેબોરેટરીમાં મોકલી આપવામાં આવ્યો છે. જેની કોરોનાના નવા ઓમીક્રોન વાયરસના શંકાસ્પદ દર્દી તરીકે ગણના કરવામાં આવી છે.
