રાજપીપળા તા.૨૫ નર્મદા જિલ્લાના રાજપીપળા ખાતેની બિરસા મુંડા ટ્રાયબલ યુનિવર્સિટીમાંથી ઝડપાયેલા નકલી ડિગ્રી સર્ટિફિકેટના તાર છેક દિલ્હી સુધી નીકળતા નર્મદા જિલ્લા પોલીસે દિલ્હીની ઠગ મહિલાને ઝડપી પાડી સમગ્ર દેશની વિવિધ યુનિવર્સિટીઓના બોગસ ડિગ્રી સર્ટિફિકેટનું નેટવર્ક ઝડપી પાડયું છે.
રાજપીપળા ખાતેની બિરસા મુંડા ટ્રાયબલ યુનિવસટીમાં ગત મહિને એક ડિગ્રી સર્ટિફિકેટ વેરિફિકેશન માટે આવતા આ સર્ટિફિકેટ નકલી હોવાનું જણાયું હતું. આ અંગે તપાસ હાથ ધરતા યુનિવસટીની વેબસાઈટ બનાવી કોઇ ભેજાબાજ વિદ્યાર્થીઓ સાથે ઠગાઇ કરતો હોવાનું જણાતા યુનિવસટીના રજિસ્ટ્રાર વિજયસિંહ વાળાએ રાજપીપળા પોલીસ સ્ટેશનમાં ફરિયાદ કરી હતી. નકલી ડિગ્રી સર્ટિફિકેટની તપાસ બાદમાં નર્મદા એલસીબીને સોંપવામાં આવી હતી.
તપાસ દરમિયાન બિરસા મુંડા ટ્રાયબલ યુનિવસટીની નકલી વેબસાઈટ અને ટેકનિકલ સોર્સ આધારે વેબસાઈટ બનાવનારની ઓળખ કરવામાં આવી હતી. અરજીઓને નકલી વેબસાઈટ મારફતે ચકાસણી કરવામાં આવતી હતી તેની તપાસ નર્મદા પોલીસે કરતાં આ વેબસાઇટ તથા બનાવટી ડિગ્રી સટફિકેટ દિલ્હી ખાતે બનતા હોવાની માહિતી પ્રાપ્ત થઇ હતી.
નકલી માર્કશીટના તાર દિલ્હીમાં નીકળતા નર્મદા પોલીસ દિલ્હી ગઈ હતી અને દિલ્હી ખાતેથી બેવલાનંદ રેવ બંસીનન્દ નામની મહિલાને ઝડપી પાડી હતી. મહિલાના દિલ્હીમાં ઉત્તમનગર ખાતે રાજાપુરીરોડ ખાતેના ઘરે ઝડતી તપાસ કરતા દેશની અલગ-અલગ ૩૫ યુનિવસટીના ૨૩૭ ડિગ્રી સટફિકેટો તથા ૫૧૦ માર્કશીટ અને કોરા ડિગ્રી સર્ટિફિકેટો, માર્કશીટો મળ્યા હતાં. આ ઉપરાંત માર્કેટિંગ કરવા માટેનું સ્કેનર તથા કલર પ્રિન્ટર પણ મળ્યા હતાં. અલગ-અલગ યુનિવસટી તેમજ બોર્ડના રબરસ્ટેમ્પ, માર્કશીટ પર લગાવવાના હોલમાર્ક પણ મળતા પોલીસ ચોંકી ગઇ હતી.
સ્કૂલ એજ્યુકેશન સંસ્થાઓની ૩૭ જેટલી વેબસાઈટો અને ડોમેઈન જે આરોપી પોતે ચલાવતી હતી. ૩૭ જેટલી વેબસાઈટ પોતે જ ચલાવતી હોવાનું ભેજાબાજ મહિલાએ કબૂલ્યું હતું. ડૂપ્લિકેટ સર્ટિફિકેટ અને વેબસાઈટ હેક કરવાનો ગુનો ડિટેક્ટ કરવા નર્મદા જિલ્લા પોલીસને સફળતા મળી હતી. મહિલા આરોપીના પોલીસે ૬ દિવસના રિમાન્ડ મેળવ્યા છે. ગુજરાત અને અન્ય રાજ્યોની અનેક યુનિવસટીની માર્કશીટના કૌભાંડમાં પેટા એજન્ટ કોણ કોણ છે તે દિશા માં પોલીસે તપાસ હાથ ધરી છે.
