જામનગર મહાનગરપાલિકામાં ફાયર સિસ્ટમનો પાઇપ લીકેજ થતાં કમ્પાઉન્ડમાં પાણીની રેલમછેલ

Jamnagar News : જામનગર મહાનગરપાલિકાની મુખ્ય બિલ્ડિંગમાં ફાયર સિસ્ટમના પાઇપમાં લીકેજ થતાં કમ્પાઉન્ડમાં મોટી માત્રામાં પાણી વહી નીકળ્યું હતું. ઘટનાની જાણ થતાં જ મહાનગરપાલિકાની ફાયર બ્રિગેડની ટુકડી તાત્કાલિક સ્થળ પર દોડી ગઈ હતી.
ફાયર બ્રિગેડની ટીમે જ્યાં લીકેજ થયું હતું તે સ્થળે તાત્કાલિક રિપેરિંગની કામગીરી હાથ ધરી હતી. તેમજ જરૂરી હોર્સપાઇપ સહિતના સાધનો બદલવાની પ્રક્રિયા પણ શરૂ કરવામાં આવી હતી. રિપેરિંગની કામગીરી દરમિયાન મહાનગરપાલિકાના પટાંગણમાં પાણીની રેલમછેલ જોવા મળી હતી.
ફાયર સિસ્ટમના પાઇપમાં કયા કારણોસર લીકેજ થયું તે અંગેની તપાસ પણ હાથ ધરવામાં આવી રહી છે.